Temir yo`lda harakatlanuvchi xodimlardan imtihon olindi

O’zbekiston Respublikasi Vazirlar Maxkamasining 2020 yil 8 maydagi “O’zbekiston Respublikasi hukumatining ayrim qarorlariga o’zgargirish va qo’shimchalar kiritish, shuningdek, ba’zilarini o’z kuchini yo’qotgan deb hisoblash to’g’risida”gi 271-sonli Qarorining 35-bandiga muvofiq, ruxsat berish xususiyatiga ega hujjatlarni berish hamda temir yo’lda harakatlanuvchi tarkibning umumiy foydalanishdagi temir yo’llarga chiqishiga ruxsat berish hamda harakatlanuvchi tarkib holatini ko’zdan kechirish va tegishli xodimlardan (mashinist, mashinist yordamchisi va .h.k) imtixon olish uchun maxsus komissiya tuzildi.

Sirdaryo viloyati transport boshqarmasi Temir yo’l transporti bo’limi boshlig’i R.Ubaydullayev komissiya raisi;

Komissiya a’zolari: Temir yo’l transporti bo’limi bosh mutaxassisi G’.Raximov, «Uztemiryo’lnazorat» inspeksiyasi Toshkent hududiy filiali lokomotiv xo’jaligi bo’yicha bosh inspektori SH. Kamolov, Toshkent mintaqaviy uzeli UK tashish va bekat ishlari bo’limi harakat xavfsizligi bo’yicha noziri E. Donayevlar korxona xodimlaridan imtihon olishdi.

Shu bilan birga, “Dizel Prom Trans” MCHJga tegishli TEM-2 №2184 raqamli teplovozi ko’rikdan o‘tkazildi.

Tekshiruvlar natijasiga ko'ra, teplovoz texnik soz deb topilib, uning harakatlanishi uchun ruxsat berildi.

 

Sirdaryo viloyati transport boshqarmasi matbuot xizmati