Sirdaryoda joriy yilda yo‘lovchi tashish qoidalarini buzish bilan bog‘liq 556 ta qonunbuzilish aniqlangan

Viloyat transport boshqarmasi va IIB YHXB tomonidan 2021 yil 27 mart kuniga qadar 132 ta qo‘shma reyd tadbiri o‘tkazildi. Ushbu reydlar davomida 556 nafar fuqaroga nisbatan MJtKning 1763-moddasi (Avtomobil transportida yo‘lovchilar tashish faoliyati bilan litsenziyasiz shug‘ullanish)ga asosan bayonnoma rasmiylashtirildi.

Bugungi kunga qadar ularning 244 nafari litsenziya varaqasi olib o‘z faoliyatini qonuniylashtirdi, 182 nafar fuqaroga nisbatan sud organlari tomonidan 200 mln 981 ming so‘m miqdorida ma’muriy jarima jazosi tayinlangan. Yil boshidan 746 transport vositalariga yo‘lovchi tashish uchun litsenziya varaqasi berilgan.

Bunday huquqbuzarlik sodir etgan fuqarolarga nisbatan BHMning 20 baravaridan 100 baravarigacha, mansabdor shaxslarga esa — 50 baravaridan 150 baravarigacha miqdorda jarima solishga sabab bo‘ladi.

Sirdaryo viloyati Transport boshqarmasi matbuot xizmati