Сирдарё вилоят автотранспорт соҳасини бошқариш ва йўловчилар ташишни ташкил қилиш Комиссияси томонидан жорий йилнинг 7 июл куни автомобил транспортида йўловчилар ташиш йўналишларини жойлаштириш бўйича очиқ тендер танлови ўтказилди.

Ўтказилган очиқ тендерга 72 та йўловчи ташиш йўналишлари ҳамда 6 та йўналишлар пакети қўйилган.

Мазкур очиқ тендер танловига 1 та пакет билан қўйилган ШИ-2 сонли “Гулистон ТЙБ – 2,4,5-мавзе ҳамда  ШИ-12 сонли “Гулистон ТЙБ – Университет” шаҳар ичи автобус йўналишлари бўйича рақобат муҳити кузатилган бўлиб, “Учлик Ишонч Савдоси” МЧЖ ҳамда “Йўлчи Юлдуз Автотранс” МЧЖлари ўз тендер таклифлари билан иштирок этишди. Ушбу йўналишлар пакети бўйича “Учлик Ишонч Савдоси” МЧЖнинг тендер таклифлари  йўналишлар пакетида кутилаётган минимал балл ва иккинчи иштирокчи тўплаган баллдан юқори 76,8 балл тўплаб ғолиб деб эълон қилинди.

ШАЙ-228 сонли “Гулистон-Навбаҳор” шаҳар атрофи автобус йўналиши бўйича “Гулистон Карвонтранс Сервис” МЧЖ (28,29 балл) ҳамда “Сардоба темир йўл агросаноат мажмуаси” УКлар (28,35 балл) ўз тендер таклифлари билан иштирок этиб, йўналишда кутилаётган минимал баллдан паст балл тўплаганликлари сабабли йўналиш келгуси очиқ тендер танловига қолдирилди.

Битта пакет билан қўйилган ШАЙ-265 Сирдарё-Гулистон ва ШАЙ-204 сонли Гулистон-И.Каримов шаҳар атрофи автобус йўналишлари бўйича “Сирдарё Транс Сервис” ХФўз тендер таклифлари билан иштирок этиб, йўналишлар пакетида кутилаётган минимал баллдан юқори 64,93 балл тўплаб ғолибликни қўлга киритди.

Битта пакет билан қўйилган ШАЙ-216 Сирдарё - Бахт ва ШАЙ – 278 сонли Сирдарё АББ – Шоликор шаҳар атрофи автобус йўналишлари бўйича “Бахт Экспрес Ҳамроҳ” МЧЖўз тендер таклифлари билан иштирок этиб, йўналишлар пакетида кутилаётган минимал баллдан юқори 65,2 балл тўплаб ғолибликни қўлга киритди.

ШАЙ-210 сонли Гулистон – Ишонч шаҳар атрофи автобус йўналиши бўйича иккинчи марта битта иштирокчи бўлиб қатнашган “Нарзулла Азиз Транс” МЧЖнинг тендер таклифлари баҳоланиб, йўналишда кутилаётган минимал баллдан юқори
36,6 баллтўплаб ғолиб деб эълон қилинди.

ШИ-1 сонли Янгиер – Ховос шаҳар ичи автобус йўналиши бўйичаиккинчи марта битта иштирокчи бўлиб қатнашган “Шах Ян Транс Сервис” МЧЖнинг  тендер таклифлари баҳоланиб, йўналишда кутилаётган минимал баллдан юқори36,8 балл тўплаб ғолиб деб эълон қилинди.

ШАЙ-213 сонли Тошкент маҳалласи – Гулистон, ШАЙ-289 сонли Гулистон – Янгиобод шаҳар атрофи автобус йўналишлари, ШЙТ-204 сонли Ширин – Қорақум ҳамда ШЙТ-249 сонли Соҳил шаҳарчаси – Гулистон шаҳар атрофи йўналишли такси йўналишлари бўйича ўз тендер таклифлари билан иштирок этган ташувчи корхоналар томонидан тендер хужжатлари пакетида маълумотлар тўлиқ тақдим этилмаганлиги сабабли таклифлар баҳоланмади. Йўналишлар келгуси очиқ тендер танловига қолдирилди.

 

 

Сирдарё вилояти транспорт бошқармаси матбуот хизмати