Jamoat transportida yo‘lovchilarni tashishda yo‘lkira haqini to‘lashda chegirmalar

      Jamoat transportida yo‘lovchilarni tashishda yo‘lkira haqini to‘lashning avtomatlashtirilgan tizimini yanada takomillashtirish hamda aholiga yo‘lkira haqi uchun to‘lovlarni “UZCARD” bank kartalari orqali amalga oshirilishini rag‘batlantirish maqsadida, “AVTOMATLASHTIRILGAN TRANSPORT TO‘LOV TIZIMI OPERATORI” AJ hamda “YAGONA UMUMRESPUBLIKA PROTSESSING MARKAZI” AJ hamkorligida “Manzillar yaqinroq” deb nomlanuvchi marketing kompaniyasi tadbir o‘tkazishni maqsad qilgan.
     Ushbu rag‘batlantirish aksiyasi Sirdaryo viloyati markazi Guliston shahrida ham amal qilib, jamoat transporti vositalariga o‘rnatilgan validatorlar orqali ATTO tizimidan yo‘lkira haqi uchun “UZCARD”ning 5614, 6262, 5440 va 8600 raqamlari bilan boshlanuvchi bank kartalaridan to‘lov amalga oshirilganda, har bir amalga oshirilgan to‘lovga 1000 (bir ming) so‘m chegirma joriy etiladi. Rag‘batlantirish aksiyasi joriy yil 1-oktabr kunidan 31-dekabrgacha amal qilishi belgilangan.

      Sirdaryo viloyat transport boshqarmasi axborot xizmati