SIRDARYO VILOYATI TASHKIL TOPGANLIGINING 60 YILLIGIGA BAG‘ISHLANADI

   Sirdaryo viloyati avtomobil transporti  tarixi

   Davomi. (Boshi quyidagi havolada: http://sirdaryo.mintrans.uz/news/202309 )

      1986-1988 yillari trestga Vladimir Gennadiyevich Agafonov rahbarlik qildi. U yangiliklar sari intilish borasida o‘zining munosib hissasini qo‘shib, ish faoliyatida trestning iqtisodiyotini ko‘tardi.

        1988 yili Sirdaryo va Jizzax viloyatlari birlashtirildi. Shunday qiyinchilik sharoitida trestga Valeriy Konstantinovich Dumler 1990 yilgacha rahbarlik qildi. Ikki viloyatning birlashuvi katta qiyinchiklarni vujudga keltirdi. Ana shunday sharoitda Jizzax va Sirdaryo mehnatkashlariga yaqindan tanish transport sohasida ko‘p yillar mehnat qilgan tajribali inson Valeriy Konstantinovich Dumlerning boshchilik qilishi ayni muddao bo‘ldi. Avtotransportchilar yanada yaxshiroq mehnat qilib yutuqlarga erishdi. Sirdaryo viloyat mexnatkashlari va keksa oqsoqollarining tinmay qilgan harakatlari orqasida Sirdaryo va Jizzax viloyatlari yana o‘z holiga ajratildi.

      Yangidan tashkil etilgan "Sirdaryotrans" birlashmasi 1990 yil aprel oyidan boshlab faoliyatni Guliston shoxbekati qoshidagi eski Oxunboboyev muzeyi binosida boshladi. Zamonaviy uch qavatli trest binosi viloyat ko‘z kasalliklari dispanseri sifatida foydalanib bemorlarga xizmat qilmoqda.Trestga boshliq qilib texnika fanlari nomzodi Ulug‘bek Tursunovich Umarov, bosh muxandis etib Mirzaev Vasil Karimovich, yo‘lovchi tashish bo‘yicha muovin Toxir Raxmonberdiyevich Xo‘janov, yuk tashish bo‘yicha muovin Akbar A’zamovich Po‘latov tayinlanlb, barcha korxonalarga va avtoshoxbekat va boshbekatlarga rahbarlik qila boshladi.

     Trest Ulug‘bek Umarov boshchiligida o‘z ishini yangidan boshlagach 1990 yilda Sirdaryo avtoboshbekati qurilib ishga tushirildi. 1991 yil yangi korxonalar ochila boshlandi. Jumladan, 2535-avto jamlanmasidan Dehqonoboddagi kichik jamlama aloxida ajratilib, 70-Dehqonobod avtokorxonasi tashkil topdi. 124-Yangier avtobus-taksi saroyidan Paxtaoboddagi jamlama ajratilib, 45-Paxtaobod         avtokorxonasi tashkil topdi, 52-Baxt avtokorxonasidan Sayxunoboddagi jamlama ajratilib, 10-Sayxunobod avtokorxonasi tashkil topdi. 1992 yil 25-avtobus saroyidan yengil taksilar va mikroavtobuslar ajratilib, hashar yo‘li bilan 9-Guliston taksi saroyi tashkil topdi. Ishchi xizmatchilarning sharoitini yaxshilash borasida 1992 yil 124-avtokorxonada 100 o‘rinlik va yangidan tashkil topgan 150-Boyovut avtokorxonasida 50 o‘rinlik oshxonalar ishga tushirildi. 25-Guliston avtobus saroyida jismoniy sog‘lomlashtirish kompleksi, ishchi-xizmatchilar uchun 2 ta 16 tadan oilaga mo‘ljallangan uy-joy, 240 o‘rinli bolalar bog‘chasl qurildi. 2535-avtojamlanma ishchi xizmatchilari uchun 24 oilaga mo‘ljallangan uy-joy, siqilgan gazda ishlovchi avtomobillarga xizmat ko‘rsatish va siqilgan gaz jihozlarini o‘rnatish kompleksi foydalanishga topshirildi.

    1997 yilda Sirdaryo shahar Qamariston mavzesida, Katta O‘zbek traktida 2 ta yangi avtopavilonlar qurilib ishga tushirildi. 1999 yil noyabr oyida Katta O‘zbek traktida Baxt avtoboshbekati va yangi avtopavilon qurilib foydalanishga topshirildi.

(Davomi kelgusi sanada)

                                                                                                                                                                                                                                                                                                                                                                                                                                                                                                                                                                                    U.Umarov