SIRDARYO VILOYATI TASHKIL TOPGANLIGINING 60 YILLIGIGA BAG‘ISHLANADI

                                                         Sirdaryo viloyati avtomobil transporti  tarixi

Davomi. (Boshi quyidagi havolada: http://sirdaryo.mintrans.uz/news/080323)

       1967 yil aprel oyida Sirdaryo avtotrestining qaroriga asosan Zomin tumanining Tog‘terak qishlog‘ida 5 gektar yer ajratilib, bolalar uchun lager qurilishi boshlandi. Oromgox qurilishi trest avtokorxonalari va viloyat yo‘l qurilishi boshqarmasi tashkilotlari o‘rtasida taqsimlangan edi. 2 ta yotoq paviloni 28-Slavyan avtokorxonasi jamoasi tomonidan qurildi, (raxbari Kim Nikolay Arsentevich), 2 ta pavilon Baxt 52-avtokorxonasi, (raxbari Smetankin Nikolay Ivanovich) va 21- Yettisoy avtokorxonasi, 23-Kirov avtokorxonalari qurib bergan edilar. Suv tarmoqlarini qurish Xemanidn Leonid Pavlovich raxbarligidagi 32-Jizzax jamoasiga yuklatilgan edi. Viloyat yo‘l quruvchilari Baiz Akbarov raxbarligida ovqatlanish korpusini va yo‘laklarni qurib berdilar. Raxbariyat turadigan korpusni 71-Farxod avtokorxonasi jamoasi qurib berdilar (raxbari Tolstix Yevgeniy Pavlovich). Jamoalarning tezkorlik bilan ishlashi natijasida 15 iyul kuni oromgoh bolalarni qabul qilishga tayyor bo‘ldi.

    Shu yili Sovet hokimiyatining 50 yillik to‘yi munosabati bilan oromgohga "Yubileyniy" nomi berildi. 1967 yil 18 iyul kuni "Yubileyniy" oromgohi 250 avtomobilistlar, yo‘l quruvchilar va aloqachilarning bolalarini qabul qildi.

       Oydin Alibekovich Azimbekovdan keyin trestga texnika fanlari nomzodi (marxum) Ermat Dadajonovich Dadajonov raxbarlik qildi. U yangi texnikani joriy etish, mehnatni ilmiy asosda tashkil etish, korxonalar hamda uch qavatli zamonaviy viloyat avtomobil tresti binosi, xodimlar uchun turar joy qurilishida tashabbus ko‘rsatdi va raxbarlik qildi.

    Shu yillar Sirdaryo viloyati avtomobil tresti mehnatda erishgan katta yutuqlari uchun Respublika sotsialistik musobaqasida bir necha bor 1-o‘rinni egallab ko‘chma qizil bayroq va pul mukofotlarini olishga sazovor bo‘ldilar.

     Ermat Dadajonovich Dadajonov Toshkentga ilmiy ishga o‘tgach trestga Razzoqbergenov Otaboy Raimovich raxbarlik qila boshladi. U Sirdaryodagi 2513-avtojamlanmasida dispetcherlikdan tortib avtojamlanmaning boshlig‘i, so‘ngra esa trest boshlig‘i lavozimiga ko‘tarildi. Avtotrestga Otaboy Raimovich Razzoqbergenov raxbarlik qilgan yillarda axborot hisoblash markazi tashkil qilindi. Yo‘l varaqalari va tashkilotlarga yoziladigan hisobotlar shu markaz orvali bajarilar edi. Shu yillari korxonalarda sport ishlari jonlanib ketdi.

      Sport turlaridan futbol, voleybol, shaxmat, shashka va tennis bo‘yicha musobaqalar o‘tkazilib Respublika miqyosida o‘tkaziladigan spartakiadalarda avtotrestning komandalari sovrinli o‘rinlarni egallagan edilar. Ayniqsa 30-Guliston avtokorxonasining "Motor" futbol jamoasi Respublikada eng yuqori o‘rinlarni egallab, mashhur edi. Korxonalar o‘rtasida avtoralli bo‘yicha ham musobaqalar yosh haydovchilarning mohirligini oshirar edi.

     Keyinchalik trestga Grigoriy Aleksandrovich Yemelyanov raxbarlik qildi. U ko‘p yillar Guliston avtobus-taksi saroyida direktor, trestga bosh muhandis vazifalarida faoliyat ko‘rsatgan edi. Uning boshchiligida Guliston avtobus-taksi saroyi qurilishi boshlanib bu zamonaviy tipdagi saroy 1982 yilda qurib bitkazilgan edi. Shu yillari bosh muxandis bo‘lib Qodirov Abuzar Boyto‘rayevich va bosh pudratchi avtoqurilish boshqaruvi boshlig‘i Abbosov Muxammadjonlarning hamda Akrom Qurbonovich Tillaboyev xizmati juda katta edi.

(Davomi kelgusi sanada)

                                                                                                                                                                                                                                                                                                                                                                                                                                                                                                                                                                                    U.Umarov