Abiturientlar va ularning yaqinlari test o‘tkaziladigan hududga kelib-ketishlari uchun viloyat transport boshqarmasi tomonidan kerakli chora-tadbirlar ko‘rilyapti. Imtihon o‘tkaziladigan kunlari yo‘l kira narxi sun’iy ravishda oshirilishining oldini olish maqsadida test uchun belgilangan maydonlargacha qo‘shimcha avtobuslar ko‘yiladi.

Avtobuslar ertalab soat 5.00 dan joylar kesimiga qarab harakatlanadi. Har bir avtobus qaysi yo‘nalish bo‘yicha harakatlanishi haqida maxsus yo‘l ko‘rsatkichiga ega. Ushbu avtobuslardan faqatgina abiturientlar foydalanishi mumkin. Avtobuslarga 25 nafardan ortiq yo‘lovchi tashish ta’qiqlanadi. Ota-onalar yoki boshqa hamrohlar avtobuslarga chiqarilmaydi.

Sirdaryo viloyati transport boshqarmasi matbuot xizmati