SIRDARYO VILOYATI TASHKIL TOPGANLIGINING 60 YILLIGIGA BAG‘ISHLANADI

 Sirdaryo viloyati avtomobil transporti  tarixi

 Davomi. (Boshi quyidagi havolada:  http://sirdaryo.mintrans.uz/news/13022023 )

       Shahar ichidagi yo‘nalishli taksi yo‘nalishlarida tender g‘oliblaridan “Ekspress-Avto”, “ChAP-Avto” assotsiatsiyalari va Guliston 9-taksi saroyi xizmat ko‘rsatmoqda.  Shaxsiy avtomobillarda yo‘lovchi tashish assotsiatsiyalari tuzish bilan 1998-yildan boshlab birlashma yo‘lovchi tashuvchilariga kuchli raqobatchilar paydo qilindi.

   Bugungi kunda “Sirdaryotrans” davlat-aksionerlik birlashmasi tarkibida 12 ta avtokorxona hamda o‘ziga 1 ta avtoshohbekat va 3 ta avtoboshbekatni birlashtirgan avtoshohbekatlar va avtoboshbekatlar birlashmasi faoliyat ko‘rsatmoqda. Birlashma bir yilda 10 mln. tonna yuk tashiydi va 60 mln. yo‘lovchiga xizmat ko‘rsatadi. Yo’lovchilarning 100 foizi, yuklarning esa 70 foizi aksioner jamiyatlarining kuchi bilan tashilmoqda.

     Sirdaryo viloyati avtotrestining rivojlanishida bosh muxandislardan Orifxon Toshxo‘jaech, Aleksey Prigolovkin, Lev Safarov, Abuzar Qodirov, Baxtiyor Umirshayxov, Said Mirmaxmudov, Vyacheslav Kim, Vasil Mirzayev, Shuxrat Aliquloq, muovinlardan Botir Xo‘jaev, Vyacheslav Tutov, Anorqul Xo‘jaqulov, Dmitriy Starovoytov, Vasiliy Porulnikov, Akbar Po‘latov, Sobirjon Nazarov, Said Mirmaxmudov, Isroil Qudratov, Toxir Xo‘janovlar xizmat ko‘rsatgan.

    Trest tarixida Nurmat Do‘smatov o‘zining yorqin izini qoldirgan. U ajoyib, talantli inson Sirdaryo avtobus-taksi saroyi rahbari edi. Uning hashar yo‘li bilan Sirdaryo avtobus-taksi saroyi bunyod etildi. Birinchi bor shu korxonada yordamchi xo‘jalik tashkil etilib, unda otbora mol, qo‘y, parranda hamda limonariya tashkil qilingan edi. Bu korxonaga tajriba almashinish uchun butun Respublikadan korxona  rahbarlari, viloyat qo‘mita kotiblari, hukumat rahbarlari va shaxsan o‘zbek xalqining otaxoni Sharof Rashidov qodam ranjida qilgan edi. Sharof otaning Mirzacho‘lga tez-tez kelishi va bergan maslaxatlari viloyatimiz axolisini va transport xizmatchilarining ruhan shodlantirib, katta zafarlarga chorlardi.

   Bugungi og‘ir sharoitda korxona jamoalariga ustalik bilan rahbarlik qilayotgan va yuqori ko‘rsatkichlarga erishayotgan korxona rahbarlaridan 2513-avtojamlanma rahbari Mo’min Abdullayevich Qo‘chqorov, 150-Boyovut avtokorxonasi rahbari Ismoil Usmonovich Usmonov, 71-Farhod avtokorxonasi rahbari Rahmatullo Qarshiboyevlarni ko‘rsatib o‘tish mumkin.

                                                                                                                                                                                                                                                                                                                                                                                                                                                                                                                                                                                    U.Umarov