ЯНГИЕР ШАҲРИДА ЯНГИ ЙЎНАЛИШ ТАШКИЛ ЭТИЛИБ, АВТОБУС ҚАТНОВИ ЙЎЛГА ҚЎЙИЛДИ

 

Ўзбекистон Республикаси Президенти Шавкат Мирзиёевнинг 29 декабрь куни Олий Мажлис ва халққа ёллаган Мурожаатномасида «Ҳудудларнинг ривожланиши учун муҳим омиллардан бири бу – уларнинг ўртасида транспорт алоқасини таъминлашдир. Қисқа қилиб айтганда, барча аҳоли пунктларидан пойтахтимизга, энг йирик шаҳарлар ва туристик марказларга тезда келиб-кетиш имкониятини берадиган, ўзаро боғланган транспорт тармоғини яратишимиз лозим», - деб айтиб ўтганди.

Туманлар ва шаҳарларда аҳоли пунктларига жамоат транспорти ҳаракати ва уларнинг аҳоли учун қулайлигини яратиш доирасида манзилли ишлар ташкил этилган бўлиб, ушбу ҳудудларда янги йўналишларни очиш, мавжудларини қайта кўриб чиқиш, оралиқ автобус бекатларини реконструкция қилиш ва қайта қуришга хусусий сектор жалб қилинган.

Сирдарё вилояти трнанспорт бошқармаси томонидан олис ва чекка ҳудудларида транспорт қатновини йўлга қўйиш, қишлоқларни туман марказлари, туман марказларини эса шаҳар марказлари билан боғловчи йўналишларда жамоат транспорти қатнови ташкил этилиб, халққа хизмат қилмоқда.

Шулардан:

Оқолтин туманидаги “Янги Тошкент” маҳалласидан туман маркази орқали Гулистон шаҳрига боғлайдиган йўналишда “Сирдарё халқ карвони” МЧЖ га қарашли йўналишли такси хизматлари йўлга қўйилди.

Гулистон туманидаги Бахмал, Оқолтин, Тажрибакор, Х.Олимжон МФЙлари аҳолисига транспорт хизматлари ташкил этиш учун “Шерзод Транс” МЧЖ томонидан 3 дона “Газ” русумли микроавтобуслар “Гулистон – Олтин ўрда” шаҳар атрофи йўналишига бириктирилиб, тумандаги аҳоли пунктлари жамоат транспорти билан қамраб олинган.

“Миркомил Барака Транс” МЧЖ томонидан Сайҳунобод туманидаги Паймарт, Фаровон, Дўстлик МФЙ ларга туман марказига  бориб келишлари учун бир донадан автобус қўйилган.

Янгиер шаҳрида эса янги йўналиш ташкил этилди. Т.Малик МФЙ орқали Шаҳар Маркизий шифохонаси билан боғлайдиган йўналишда “Транс Имкон Сервис” МЧЖ га тегишли 2 дона автобус қатнови йўлга қўйилди.

“Халққа хизмат-олий ҳиммат”, деб бежизга айтишмайди. Бугунги кунда аҳолининг транспортга бўлган эҳтиёжи ортмоқда. Шу сабабли, уларга сифатли, ҳамёнбоп нархларда хизмат кўрсатиш, манзилларига соғ-омон етказиш энг муҳим вазифаларимиздан биридир.

 

Сирдарё вилояти транспорт бошқармаси матбуот хизмати