Хотира абадий, инсон қадри улуғ

Сирдарё вилояти ҳокими Ғ. Мирзаев кўмаклигида, транспорт бошқармаси Ёшлар иттифоки бошланғич ташкилот етакчиси ташаббуси ва йўловчи ташиш фаолияти билан шуғулланувчи тадбиркорлар билан ҳамкорликда Хотира ва қадрлаш куни ҳамда Иккинчи жаҳон урушида қозонилган Ғалабанинг 76 йиллиги муносабати билан Ўзбекистон “Ветеран” жангчи-фахрий ва ногиронларни 80 нафари Тошкент шаҳрига зиёратга олиб борилди. Фахрийлар Ўзбекистон Республикаси Қуролли кучлар музейи, "Ҳазрати Имом " ёдгорлик майдони ҳамда Зангиота зиёратгоҳиларига зиёрат қилишди. Анча вақтлардан бери дийдорлашмаётганлар шу куни дийдорлашди. 

Хотирани асраш, хотирани эҳтиёт қилиш – бу бизнинг ўзимиз ва авлодлар олдидаги ахлоқий бурчимиздир. Хотира – бизнинг бойлигимиздир.
Кечаги кун сабоқларини, халқимиз келажаги йўлида жонини фидо қилган инсонларни хотирлаш бугунги кунимизни қадрлашга ўргатади. Хотира бу – тарихдир. У кечаги  ўтмишни, аждодлар ўгитини, миллий меросимизни англатиб турувчи – муқаддас китоб зарварақларидек ҳаётимизни ёритиб туради. Шу боис, инсон ўз хотира бойликларини қадрлайди.

Бугун нишонлаётган байрамимиз шундай бир кунки, у шу юртда яшаётган ҳар қайси оила, ҳар қайси хонадон учун бевосита дахлдор бўлган, уларнинг ҳаётида қандайдир чуқур из қолдирган тарихий санадир. Айни шу кунда барчамиз  эл-юртимиз билан бирга бўлиб, шу куннинг ҳам хурсандчилигини, ҳам изтиробини уруш қатнашчилари, муҳтарам фахрийларимиз билан баҳам кўриб, яна бир бор бутун халқимизни ана шу тарихий сана билан табриклашни ўзимизнинг муқаддас бурчимиз  деб билмоғимиз лозим.
Барча фаҳрийларимизни, азиз юртдошларимизни Хотира ва қадрлаш куни билан табриклайман!
Юртимиз тинч, осмонимиз мусаффо, мустақиллигимиз абадий бўлсин!

Сирдарё вилоят транспорт бошқармаси матбуот хизмати