ВИЛОЯТ ТРАНСПОРТ БОШҚАРМАСИДА САЙЁР СУД МАЖЛИСИ БЎЛИБ ЎТДИ

Маълумки, 2020 йилнинг 24 июль санасида Ўзбекистон Республикаси Президенти томонидан “Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида”ги ПФ-6034-сонли Фармон имзоланди.  

Суд ҳокимиятининг чинакам мустақиллигини, фуқаролар ҳуқуқ ва эркинликларининг ишончли ҳимоясини таъминлаш ҳамда одил судловга эришиш даражасини ошириш суд-ҳуқуқ тизимини ислоҳ қилиш соҳасида давлат сиёсатининг асосий устувор йўналишларидан бири ҳисобланади.

Барча тоифадаги суд ишларини сайёр суд мажлисларида кўриб чиқиш амалиётининг кенгайтирилганлиги аҳоли билан очиқ мулоқотни йўлга қўйиш ва суд ҳокимиятининг очиқлигини ошириш йўлида кўрилган муҳим чорадир.

Ҳуқуқбузарликларни бартараф этиш, бу борада мавжуд таклиф ва мулоҳазаларни ўрганиш, судлар фаолиятини очиқлиги ва шаффофлигини намоён қилиш, фуқаролар ҳуқуқ ва эркинликларини ишончли ҳимоясини таъминлашда сайёр судларнинг аҳамияти жуда ҳам катта.

 Шу сабабли Сирдарё вилоят транспорт бошқармасида Гулистон шаҳар жиноят ишлари бўйича суди раиси У.Жумаев иштирокида суд мажлиси бўлиб ўтди.  

Жиноят ишлари бўйича Гулистон шаҳар суди раиси У.Жумаев ўз сўзида Ўзбекистон Республикаси Президентининг “Aвтомобиль транспортида йўловчилар ташиш фаолиятини тартибга солишни янада соддалаштириш чора-тадбирлари тўғрисида”ги Қарори бўйича ҳайдовчиларга тушунтириб ўтди.

Вилоят транспорт бошқармаси инспекторлари томонидан маъмурий баённомалар тузилган 13 нафар фукароларнинг иши кўрилиб, шундан 8 нафарига маъмурий чора кўрилди.  

Сирдарё вилояти транспорт бошқармаси ахборот хизмати