Viloyatda yo'lovchi tashish faoliyati bilan shug'ullanuvchi avtokorxona rahbarlari va haydovchilr diqqatiga!

Yo‘l harakati jarayonida transport vositasining haydovchilari uchun qulay shart-sharoitlar yaratish maqsadida, shuningdek, jamoatchilikning fikrini va xohish-istagini inobatga olgan holda Vazirlar Mahkamasi qaror qiladi:
Vazirlar Mahkamasining 2015 yil 24 dekabrdagi 370-son qarori (O‘zbekiston Respublikasi QT, 2015 y.12-son, 109-modda) bilan tasdiqlangan Yo‘l harakati qoidalarining 138-bandi quyidagi tahrirda bayon qilinsin:
138. Kunning yorug‘ vaqtida quyidagi hollarda yaqinni yorituvchi chiroqlar yoqilishi kerak:
transport vositalari tashkiliy jamlanma safida harakatlanayotganda;
yo‘lovchilarni tashiyotgan avtobus va yo‘nalishli transport vositalarida;
bolalar guruhini tashkiliy tashishda;
xavfli, katta o‘lchamli va og‘ir vaznli yuklarni tashishda;
mexanik transport vositalarini shatakka olishda (shatakka olib ketayotgan transport vositasida);
mototsikl va mopedlarda harakatlanish davrida yaqinni yorituvchi chiroqlar yoqilishi belgilab berildi.

Sirdaryo viloyati transport boshqarmasi matbuot xizmati