ВИЛОЯТДАГИ БАРЧА ЭКСПОРТЁРЛАР, ХАЛҚАРО ЮК ТАШИШ ФАОЛИЯТИ БИЛАН ШУҒУЛЛАНАЁТГАН ТАШУВЧИ КОРХОНАЛАР РАҲБАРЛАРИ ДИҚҚАТИГА!

Ўзбекистон Республикасининг Россия Федерациясидаги элчихонаси ташаббуси билан “Ўзбекистон экспортёрлари” ахборот портали (uzexporter.ru веб саҳифаси) ташкил қилинганлигини маълум қиламиз.

Ушбу лойиҳадан кўзланган асосий мақсад, ўзбекистонлик бошловчи ва нуфузли экспортёрларнинг ишлаб чиқарган маҳсулотларини экспорт қилишга кўмаклашиш, экспорт маҳсулотларининг турлари ва ҳажмларини кўпайтириш, ташқи истеъмол бозорида ўз ўрнини топишда ҳамкорлик қилиш, Россия ва Ўзбекистон ишбилармон доираларининг тўғридан-тўғри қулай шароитларда электрон маълумот алмашиш тизимини яратиш, Россия ишбилармон доираларини Ўзбекистоннинг экспорт салоҳияти ва имкониятлари билан таништиришдан иборат.

         Мазкур сайтда даврий равишда Ўзбекистон экспортёрларининг тижорат таклифлари, ўз навбатида Россиялик импортёрларнинг маҳсулотларни харид қилиш юзасидан талаб ва эҳтиёжлари юзасидан сўровномалари жойлаштириб борилади ва янгиланиб турилади.

 “Ўзбекистон экспортёрлари” ахборот портали (uzexporter.ru веб саҳифаси) бизнесингиз ривожи ва равнақи учун яратилган қулай шароит ва имкониятдир.

Сирдарё вилояти Транспорт бошқармаси Матбуот хизмати