УНИВЕРСИТЕТ ТАЛАБАЛАРИ УЧУН АВТОБУСЛАР ҚАТНОВИ ЙЎЛГА ҚЎЙИЛДИ

13.01.2021

Гулистон Давлат Университетининг талабалари ҳамда ўқитувчиларига университетга ўз вақтида келиб-кетишларида жамоат транспорти хизматини ташкил этиш мақсадида, “Гулистон темир йўл бекати - Университет” шаҳар ичи автобус йўналишида автобус қатновлари тикланиб, “Учлик Ишонч Савдоси” маъсулияти чекланган жамиятига қарашли 5 дона ISUZU русумли автобуслар йўналишга бириктирилиб, жамоат транспорти хизмати ташкил этилди.

univer 02

Университетнинг Боёвут тумани, Анорзор маҳалласида жойлашган 2 та факультети ўқитувчи, ишчи ходимларига ва талабаларнинг ўқишга бориб-қайтишида узоғини енгил қилиш учун, ШАЙ-277 сонли “Боёвут разезди - Гулистон” шаҳар атрофи автобус йўналиши тикланиб, ушбу йўналишга “Гулистон Йўловчи Транс” масъулияти чекланган жамиятига қарашли 3 дона ISUZU русумли автобуслар қатновлари йўлга қўйилди.

Талабаларга транспорт хизматининг ташкил қилиниши вилоят ИИБ ва транспорт бошқармаси томонидан назоратга олинган.

Сирдарё вилояти транспорт бошқармаси матбуот хизмати