Тошкент шаҳар транспорт бошқармаси томонидан ҳам сирдарёликлар учун инсонпарварлик кўмаги юборилди

Ўзбекистон Республикаси транспорт вазирлигининг Тошкент шаҳар транспорт бошқармаси томонидан ҳам сирдарёликлар учун инсонпарварлик кўмаги юборилди.

Барчангизга маълумки, Сирдарё вилоятининг Сардоба туманида жойлашган “Сардоба” сув омбори дамбасининг 6 пикет деворидан сув чиқиши оқибатида юзага келган сув тошқини, Сардоба, Мирзаобод ва Оқолтин туманларидаги бир қатор аҳоли пунктларига жиддий зарар етказди.

Тўғон ёрилиши натижасида талофат кўрган оилаларни қўллаб-қувватлаш, уларга меҳр-мурувват ва инсонпарварлик  ёрдамларини кўрсатиш мақсадида Ўзбекистон Республикаси транспорт вазирлигининг Тошкент шаҳар транспорт бошқармаси томонидан ҳам сирдарёликлар учун озиқ овқат махсулотлари инсонпарварлик  ёрдами сифатида келтирилди.

Сирдарё вилояти транспорт бошқармасида матбуот хизмати