Sirdaryo viloyatida Prezident qarori ijrosi ta'minlanmoqda

Muhtaram Prezidentimizning 2023-yil 16-fevraldagi “Jamoat transporti tizimini isloh qilish chora-tadbirlari to‘g‘risida”gi PQ–59–sonli Qarori qabul qilingan bo‘lib, qaror bilan viloyat markazi Guliston shahrining jamoat transporti tizimini takomillashtirish, yangi yo‘nalishlar tarmog‘ini tashkil etish, jamoat transporti harakat tarkibi parkini yangilash, elektron va tabaqalashtirilgan to‘lov tizimini joriy etish, qatnovlar muntazamligi, harakat xavfizligi va xizmat ko‘rsatish sifatini oshirish, transport infratuzilmasini yaxshilash kabi muhim jihatlarni rivojlantirish ko‘zda tutilgan.

Mazkur qaror ijrosini ta’minlash maqsadida, viloyatimizga Xitoy Xalq Respublikasida ishlab chiqarilayotgan, zamonaviy qulayliklarga ega bo‘lgan yangi avtobuslar olib kelinishi rejalashtirilgan bo‘lib 2024 yilda “Uchlik Ishonch Savdo” MChJ tomonidan Xitoy Xalq Respublikasida ishlab chiqarilgan zamonaviy turdagi 8 dona YUTONG (YuTONG) rusumli avtobuslar olib Guliston shahar yo‘nalishlariga joylashtirilgan.

Bundan tashqari, bugungi kunda viloyatimiz aholisiga sifatli jamoat transporti xizmatlarini yo‘lga qo‘yish, jamoat transporti parkini yangilash, yo‘lovchilarga qo‘shimcha qulayliklar yaratish maqsadida “Trans Imkon Servis” MChJ tomonidan Xitoy Xalq Respublikasida ishlab chiqarilgan zamonaviy turdagi 12 dona ZHONG TONG (ZONGTONG) rusumli shahar tipidagi avtobuslar keltirildi.

Ushbu turdagi avtobuslarning umumiy yo‘lovchi sig‘imi
63 nafar yo‘lovchilarga mo‘ljallangan bo‘lib, o‘rindiqlar soni 28 tani tashkil etadi. Avtobus past polli, yo‘lovchi sig‘imi katta, nogironligi bor yo‘lovchilar uchun panduslar, elektron tablolar va har bir avtobusda 8 donadan kuzatuv kameralari, shuningdek, kishda issiq va yozda salqin ob-havo tizimi  bilan jihozlangan.  

Olib kelingan yangi avtobuslar Guliston shahridagi yo‘nalishlarda faoliyat ko‘rsatayotgan ISUZU rusumli avtobuslar o‘rniga joylashtirilib, shahar aholisi va tashrif buyuruvchi mehmonlarga transport xizmatlari ko‘rsatilishi rejalashtirilgan.

Shuninegdek, “Guliston-Terminal” MChJ tomonidan Xitoy Xalq Respublikasida ishlab chiqarilayotgan zamonaviy turdagi 8 dona yangi ZHONG TONG (ZONGTONG) rusumli avtobuslar xarid qilish bo‘yicha kelishuv shartnomalari tuzildi. Boshqa mahalliy tadbirkorlar tomonidan ham yangi zamonaviy avtobuslar xarid qilish bo‘yicha zaruriy ishlar amalga oshirilmoqda.

Umumiy xisobda Guliston shahridagi jamoat transportlari uchun jami 65 dona yangi avtobuslar harid qilishi rejalashtirilgan.