Сирдарё вилоятининг шаҳар ва туманлардаги жамоат транспорти билан қамраб олинмаган 24 та МФЙлардан 10 та МФЙларида аҳолига транспорт хизматлари ташкил этилди

Сирдарё вилоят автотранспорт соҳасини бошқариш ва йўловчилар ташишни ташкил қилиш комиссияси томонидан жорий йилнинг 1-чораги давомида очиқ тендер танловлари ўтказилмади.

Аҳоли демограгик ҳолати, даромади ва транспортга бўлган эҳтиёжларини ҳисобга олган ҳолда йўналишлар тармоғи лойиҳалари белгиланиб олинди.

Ҳозирги кунда Сирдарё вилоятининг шаҳар ва туманлардаги жамоат транспорти билан қамраб олинмаган 24 та МФЙлардан 10 та МФЙларида аҳоли транспорт хизматлари ташкил этилган.

Булар:

• Гулистон туманида ШЙТ-236 сонли “Олтин Ўрда - Гулистон” шаҳар атрофи йўналишли такси йўналиши тикланиб, “Шерзод транс сервис” МЧЖ томонидан “Газ” русумли 2 дона йўналишли таксилар қатнови ташкил этилиб, “Оқолтин”, “Тажрибакор”, “Ҳ.Олимжон” ҳамда “Бахмал” МФЙлар аҳолисига жамоат транспорти хизматлари ташкил этилди.
• Оқолтин туманида “Янги Тошкент МФЙ - Сардоба қўрғони” ҳамда “Янги Тошкент МФЙ - Гулистон” йўналишли такси йўналиши ташкил этилиб, “Сирдарё халқ карвони” МЧЖ томонидан 10 дона йўналишли таксилар қатнови ташкил этилиб, “Янги Тошкент” МФЙ ва “Найман” ҚФЙ аҳолисига жамоат транспорти хизматлари ташкил этилди.
• Сирдарё туманида ШЙТ-274 сонли “И.Каримов-Гулистон” шаҳар атрофи йўналишли такси йўналиши тикланиб, “Инсоф” МЧЖ томонидан “Дамас” русумли 7 дона йўналишли таксилар қатнови ташкил этилиб, “Деҳқонобод” МФЙ аҳолисига жамоат транспорти хизматлари ташкил этилди.
• Сайхунобод туманида “Фаровон”, “Паймард” ва “Дўстлик” МФЙларга хизмат кўрсатувчи, “Паймард - Сайхун, Ҳисор орқали” ва “Дўстлик - Сайхун” янги автобус йўналишлари синов тариқасида ташкил этилиб, йўналишларда “Миркомил Транс Барака” МЧЖга қарашли 1 донадан Исузу русумли автобуси белгиланган жадваллар асосида қатновларни амалга оширмоқда.

Бундан ташқари, қолган 14 та МФЙда қуйидаги ишлар амалга оширилмоқда.

Боёвут тумани бўйича

“Тинчлик” МФЙга жамоат транспорти хизмати ташкил этиш мақсадида, Боёвут туманида жойлашган “Нурафшон ўлка” ИЧСТФга қарашли 1 дона “ГАЗ” русумли микроавтобус ажратилиб, “Тинчлик МФЙ – Боёвут” йўналишли такси йўналишида қатновлар ташкил этилди. Лекин, йўналишда йўловчилар оқими камлиги, йўналишда транспорт воситаси ёқилғисининг ҳаражати ҳам қопланмаганлиги сабабли қатновларни тўхтатишга мажбур бўлинди.

Мазкур йўналишда субсидиялаш тизимини жорий қилиш орқали ташкил этилиши белгилаб олинди.

Субсидиялаш тизими орқали йўналишда аҳолига транспорт хизмати тикланса, туманнинг “Тинчлик” МФЙ жамоат транспорти билан тўлиқ қамраб олиниб, маҳаллий аҳоли учун қулай транспорт хизматлари ташкил этилади.

“Янгиобод” МФЙ жорий йилда “Обод маҳалла” давлат дастурига тушган бўлиб, маҳалла ички автомобил йўли ҳаракат хавфсизлиги талабларига жавоб бергандан сўнг “Ғалаба - Гулистон” йўналиши тикланиб, маҳалла аҳолисига жамоат транспорти хизмати ташкил этилади.

Сирдарё тумани бўйича

“Тараққиёт” МФЙ, “Ҳикматли” МФЙ, “Улуғбек” МФЙларига амалда “Дамас” русумли енгил автомобиллар хизмат кўрсатмоқда. Ушбу автомобиллар фаолияти лицензиялангандан сўнг, ШЙТ-268-сонли “Сирдарё - Сирдарё СИУ” йўналишли такси йўналиши тикланади.

“Интилиш”МФЙ, “Илғор” МФЙ, “Туркистон” МФЙ ҳамда “Орзу” МФЙларга жамоат транспорти хизматлари ташкил этиш мақсадида, Сирдарё туманида жойлашган “Сирдарё Автобус Саройи” МЧЖга қарашли 1 дона Исузу русумли автобус ажратилиб, “Сирдарё – Малик - Бахт” (айланма) шаҳар атрофи автобус йўналишида жорий йилнинг 15 феврал санасидан 28 феврал санасигача қатновлар ташкил этилди. Лекин, йўналишда йўловчилар оқими камлиги, йўналишда автобус ёқилғисининг ҳаражати ҳам қопланмаганлиги сабабли қатновларни тўхтатишга мажбур бўлинди.

Мазкур йўналишда субсидиялаш тизимини жорий қилиш орқали ташкил этилиши белгилаб олинди.

Субсидиялаш тизими орқали йўналишда автобус қатновлари тикланса, туманнинг “Интилиш”МФЙ, “Илғор” МФЙ, “Туркистон” МФЙ ҳамда “Орзу” МФЙлари жамоат транспорти билан тўлиқ қамраб олиниб, маҳаллий аҳоли учун қулай транспорт хизматлари ташкил этилади. Ушбу МФЙларга олиб борувчи йўллар талабга жавоб беради.

Сайхунобод тумани бўйича

“Синтоб” МФЙ, “Пахтаобод” МФЙ, “Янги ҳаёт” МФЙларига амалда “Дамас” русумли енгил автомобиллар хизмат кўрсатмоқда. Ушбу автомобиллар фаолияти лицензияланиб, йўналиш паспортлари тасдиқлангандан сўнг ҳисоботга киритилади.

Ховос тумани бўйича

“Оқчангал” ва “Ўзбекистон тўкинчилиги” МФЙларга жамоат транспорти хизмати ташкил этиш мақсадида, “Аҳмадбек транс Янгиер” МЧЖ аввал фойдаланишда бўлган 1 дона “ИСУЗУ” русумли автобус сотиб олди.

Ушбу транспорт воситаси сиқилган табиий газ ёқилғи аралашмасида ишлаш учун қайта жиҳозлангандан сўнг, ШАЙ-237-сонли “Янгиер - Оқчангал” автобус йўналишида қатновлар тўлиқ ташкил этилади.

 

Сирдарё вилояти транспорт бошқармаси матбуот хизмати