Сирдарё вилоятига Хитой Халқ Республикасида ишлаб чиқарилган “JAC” русумли 6 дона янги автобуслар олиб келинди

Ўзбекистон Республикаси Президентининг 2021 йил 3 февралдаги “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастури тўғрисида”ги ПФ–6155-сон Фармонига мувофиқ Ўзбекистон бўйлаб саёҳат қилиш учун харажатларнинг бир қисмини қайтариш тартиби жорий қилинди.

Замонавий туризм транспорт, ижтимоий ва хизмат кўрсатиш соҳаларининг юқори даражада ривожланишига асосланган бўлиб, бу охир-оқибат уни иқтисодиётнинг юқори рентабелли соҳасига айлантиради. Ўзбекистон Республикасида мустақиллигимизнинг илк кунлариданоқ туризм соҳасини давлат томонидан қўллаб – қувватлаш, мазкур соҳа билан шуғулланувчи корхоналарга имтиёзлар яратиб бериш, шунингдек, туризм соҳаси учун инфратузилмани шакллантириш борасидаги ишлар жадал суръатлар билан давом эттирилмоқда.

Бугунги кунда мамлакатимизда туризм соҳасини ривожлантириш ва давлат томонидан ҳуқуқий тартибга солиш борасида катта ютуқларга эришилди. Мазкур соҳани ривожлантириш мақсадида тадбиркорларга жуда катта имтиёз ва имкониятлар яратиб берилганлиги соҳа ривожининг асосий омили бўлди. Шу билан бир қаторда баъзи бир камчилик ва фойдаланилмаётган имкониятлар борки, уларни бартараф этиш ва бу йўлда ривожланган хорижий давлатларнинг ижобий тажрибаларидан самарали фойдаланиш муҳим аҳамият касб этади.

Бугун автомобиллар узоғимизни яқин, оғиримизни енгил қиладиган энг мақбул кўмакчига айланиб улгурди. Ҳукуматимиз томонидан аҳолига транспорт хизмати кўрсатиш тизимини янада такомиллаштириш, янги-янги йўналишларни йўлга қўйиш бўйича олиб борилаётган ишлар ҳам эътиборга молик. Айниқса, шаҳар ва шаҳар атрофидаги йўналишларда автобуслар қатновининг ортаётгани қувонарли ҳолат. Чунки, у енгил таксиларга қараганда нарх борасида анча арзон бўлиб, ишончли ва хавфсизлиги билан ҳам ажралиб туради. Бу борада Президентимизнинг 2017 йил 10 январдаги «Аҳолига транспорт хизмати кўрсатиш ҳамда шаҳарлар ва қишлоқларда автобусларда йўловчилар ташиш тизимини янада такомиллаштириш чора-тадбирлари тўғрисида»ги қарори қанот бергани ҳам рост.

Ҳудудларнинг ривожланиши учун муҳим омиллардан бири бу – уларнинг ўртасидаги транспорт алоқасини таъминлашдир.

Қисқа қилиб айтганда, барча аҳоли пунктларидан пойтахтимизга, энг йирик шаҳарлар ва туристик марказларга тезда келиб-кетиш имкониятини берадиган, ўзаро боғланган транспорт тармоғини яратишимиз лозим.

Аҳоли пунктлари ўртасидаги, айниқса, қишлоқларни туман, вилоят  марказлари билан боғлайдиган узлуксиз автобус қатновларини ҳусусий секторни жалб қилиш орқали кўпайтириш, аҳолини транспортга бўлган эҳтиёжини қондириш билан бир қаторда, жамоат транспортининг узоқ муддат хизмат кўрсатишига эришилади.

Шу муносабат билан, вилоятимиз аҳолисига сифатли жамоат транспорти хизматларини ташкил қилиш, транспорт етиб бормаган аҳоли пунктларига автобуслар қатновини ташкил қилиш мақсадида, Боёвут туманидан рўйхатдан ўтган “PRINCE AUTO” МЧЖ томонидан Агробанк АТБ Боёвут тумани филиалининг 5 йиллик 8 фоизли 150 (бир юз эллик) минг АҚШ доллари миқдоридаги валюта кредити ҳисобидан Хитой Халқ Республикасида ишлаб чиқарилган “JAC” русумли 6 дона янги автобуслар ҳарид қилинди.

Ушбу автобуслар Боёвут туман марказидан вилоят маркази йўналиши бўйлаб ҳаракатланиб, аҳолига сифатли хизмат кўрсатади.

Сирдарё вилояти транспорт бошқармаси матбуот хизмати