Sirdaryo viloyatida “Damas” rusumli yo‘nalishli taksilarda yo‘lovchi tashuvchi avtokorxona rahbarlari bilan uchrashuv…

       2024-yil 23-aprel kuni Viloyat transport boshqarmasi tomonidan viloyat prokuraturasi, viloyat IIB JXX YHXB hamda Transport nazorat inspeksiyasi Sirdayo viloyat hududiy bo'limi bilan hamkorlikda “Damas” rusumli yo‘nalishli taksilarda yo‘lovchi tashuvchi avtokorxona rahbarlari bilan uchrashuv tashkil etildi.

      Uchrashuvda mas’ullar tomonidan tadbirkorlarga harakat tarkibi parkini zamonaviy xavfsizlik talablariga javob beruvchi transport vositalari bilan to‘ldirib aholiga yo‘lovchi tashish xizmatlari tashkil etish zarurligi, yo‘nalishga chiqarilayotgan transport vositalarini kundalik texnik ko‘rikdan hamda haydovchilarni tibbiy ko‘rikdan  sifatli o‘tkazishlari yuzasidan tegishli ko‘rsatma va tavsiyalar berildi.

       Bundan tashqari muntazam yo‘lovchi tashish yo‘nalishlarida noqonuniy (belgilangan tartibda davlat ro‘yxatidan o‘tmasdan) faoliyat ko‘rsatib kelayotgan fuqarolarning faoliyatini qonuniylashtirish bo‘yicha mutasaddi idoralar bilan hamkorlikda ishlar tashkil etilishi belgilab olindi.