Сирдарё вилоятининг шаҳар ва туманларидаги жамоат транспорти билан қамраб олинмаган 24 та аҳоли пункталари ҳамда бугунги кунга қадар амалга оширилган ишлар тўғрисида маълумот

Жадвалда берилган туманлардан Гулистон туманининг Бахмал, Оқолтин, Тажрибакор, Х.Олимжон МФЙлари, Сирдарё туманининг Деҳқонобод МФЙ ва Ховос туманининг Оқчангал, Ўзбекистон тўкинчилиги МФЙларидан туман ҳамда вилоят марказлари қатновчи йўналишларда транспорт қатновлари тикланиб, ҳудудлар жамоат транспорти билан  қамраб олинди.

Булар:

Сирдарё туманининг Деҳқонобод МФЙ аҳолисига “Инсоф” МЧЖ томонидан  7 дона “Дамас” русумли йўналиши таксилар “И.Каримов - Гулистон” шаҳар атрофи йўналишли такси йўналишига бириктирилиб, йўналишда қатновлар тикланди.

Ховос туманидаги Оқчангал МФЙ ва Ўзбекистон тўкинчилиги МФЙлари аҳолисига транспорт хизмати кўрсатиш учун “Ян Равшан Транс” МЧЖ томонидан 1 дона Isuzu русумли йўналишга бириктирилиб, аҳолининг туман маркази ҳамда Янгиер шаҳрига бориб келишлари учун жамоат транспорти хизматлари ташкил этилди.

Гулистон туманидаги Бахмал, Оқолтин, Тажрибакор, Х.Олимжон МФЙлари аҳолисига транспорт хизматлари ташкил этиш учун “Шерзод Транс Сервис” МЧЖ томонидан  3 дона “Газ” русумли микроавтобуслар “Гулистон – Олтин ўрда” шаҳар атрофи йўналишига бириктирилиб, тумандаги аҳоли пунктлари жамоат транспорти билан қамраб олинди.

Юқоридаги йўналишларда жамоат транспорти қатновлари аниқ белгиланган жадваллар асосида ҳар куни қатновларни амалга ошиб келмоқда.

Қолган туманлардаги аҳоли пунктларига жамоат транспорти ҳаракати ва уларнинг аҳоли учун қулайлигини яратиш доирасида манзилли ишлар ташкил этилган бўлиб, ушбу ҳудудларда янги йўналишларни очиш, мавжудларини қайта кўриб чиқиш, оралиқ автобус бекатларини реконструкция қилиш ва қайта қуришга хусусий секторни жалб қилиш бўйича вилоят ҳокимлиги томонидан тасдиқланган “ИШЧИ ГУРУҲ ТАРКИБИ”нинг  маъсул ходимлари томонидан белгиланган вазифалар ижросини таъминлаш бўйича ишлар ташкил этилмоқда.

Sirdaryo viloyati transport boshqarmasi matbuot xizmati