Сирдарё вилояти Гулистон шаҳрининг жамоат транспорти тизими ва инфратузилмасини такомилаштириш Бош режа лойиҳаси ишлаб чиқилмоқда

Ўзбекистон Республикаси Президенти раҳбарлигида “Тошкент шаҳри ва ҳудудларда жамоат транспортини янада ривожлантириш чора-тадбирлари тўғрисида” кенгайтирилган тарзда ўтказилган видеоселектор йиғилишининг 96-сонли баёни билан Қорақолпоғистон Республикаси Вазирлар Кенгаши ва вилоятлар ҳокимликлари Транспорт вазирлиги, Тошкент Давлат Транспорт унивеситети билан биргаликда салоҳиятли экспертларни жалб этган ҳолда 2021 йил якунига қадар ўрта ва йирик (30 та ) шахарларда жамоат транспорти тизими ва инфратузилмасини такомилаштириш Бош режа лойихаларини ишлаб чиқиш топшриғи берилган.
Мазкур топшириққа асосан Гулистон шаҳрининг жамоат транспорти тизими ва инфратузилмасини такомилаштириш Бош режа лойиҳасини ишлаб чиқиш белгиланган.
Бугунги кунда Бош режа лойиҳасини ишлаб чиқиш учун Жиззах политехника институтини жалб қилинган. Ҳозирда Гулистон шаҳар ҳокимлиги томонидан институт масъуллари билан музокаралар олиб борилмоқда.
Бошқарма томонидан эксперт гуруҳига лойиҳани ишлаб чиқиш учун зарур бўладиган дастлабки маълумотлар йиғиб берилди.
Бундан кўзланган асосий мақсад, Гулистон шаҳрининг жамоат транспорти тизими ва инфратузилмасини такомилаштириш, маҳаллий ташувчи корхоналарга қулай иш шароитини яратиш, аҳолига сифатли жамоат транспорти хизматларини ташкил этишдан иборатдир.

Сирдарё  вилояти транспорт бошқармаси матбуот хизмати