Сирдарё туманининг ёзда чанг, қишда лой кўчаларига қум-шағал тўкилиб текисланди

Сирдарё туманининг ёзда чанг, қишда лой кўчаларига қум-шағал тўкиб текислаш ишлари бошлаб юборилди. Президентимиз Шавкат Мирзиёевнинг “Маҳаллабай" ишлаш тизимини амалиётга жорий этиш тўғрисидаги ташаббуси ҳудудлардаги муаммо ва ечимини кутаётган масалаларнинг бартараф бўлишига мустаҳкам ва ишончли замин яратмоқда. 

Бугунги кунда маҳаллалар ҳудудини ободонлаштириш, мавжуд инфратузилмани комплекс ривожлантириш, шунингдек, йўл-транспорт инфратузилмаси, муҳандислик коммуникациялари ҳамда шу асосда аҳолининг турмуш шароитини юксалтириш асосий вазифа сифатида қаралмоқда.

Хусусан, хашар йўли билан 19 та (Шоликор, Баҳмал, Фурқат, Ширин, Фаровон, Пахтакор, Орзу, Заршунос, Хазина, Аҳиллик ва бошқа) маҳаллаларнинг қишда лой, ёзда чанг кўчаларига 150 дан ортиқ транспортлар ёрдамида қум-шағал олиб келиниб, тўкиб текисланди.

Биргана "Шоликор" маҳалласининг 4 та жами 2 км масофадаги ички йўллар таъмирланди. Туман марказидан 8 км узоқликда жойлашган ушбу маҳаллага оптик толали интернет тармоғи тортилди. 3 та ичимлик суви иморати бўёқланиб, жорий таъмирланди. Бундан ташқари маҳалла хонадонларидаги электр тармоқлари учун “ақлли ҳисоблагичлар”  ўрнатилди. Маҳалладаги ўзгаришларни сезган аҳоли хашарга отланди.

Сирдарё вилояти транспорт бошқармаси матбуот хизмати