Ширин шаҳрида аҳолини соғломлаштириш мақсадида алоҳида пиёдалар ҳамда велойўлак қурилмоқда

Давлатимиз томонидан ҳар йили ҳудудларни комплекс ривожлантириш, аҳоли турмуш тарзини яхшилашга қаратилган кўплаб дастурлар қабул қилинади. Мазкур дастурлар асосида маблағлар ажратилиб, айниқса қурилиш ва бунёдкорлик ишлари жадал олиб борилади. Ширин шаҳрида ҳам бугун кўплаб қурилиш ва бунёдкорлик ишлари кетмоқда.

Хусусан, инвеститсия дастурига мувофиқ, шаҳар марказига кираверишда узунлиги 5,4 км бўлган пиёдалар йўлаги ҳамда велойўлак қурилмоқда. Шаҳарнинг архитектура қиёфасини яхшилаш мақсадида қурилаётган пиёдалар ҳамда велойўлаклар жорий йилнинг сентябрь ойига қадар тўлиқ якунланиши белгиланган.

Маълумот учун, шаҳар сектор раҳбарларининг фуқаролар билан ўтказган кўплаб учрашувларида велойўлак қуриш бўйича мурожаатлар билдирилган эди.