O`zbekistonda karshering tizimiga o`tiladi
23.02.2021 2021-yil 10-yanvardan boshlab karshering (karshering – avtotransport vositalarini ijaraga berish boʻyicha xizmat koʻrsatish) tashkilotlariga notarial rasmiylashtirmasdan va ichki ishlar organlarida roʻyxatdan oʻtkazmasdan yoʻlovchilar avtotransporti va mototransport vositalarini jismoniy va yuridik shaxslarga 30 kungacha muddatga qisqa muddatli ijaraga berish huquqi beriladi.
Videoni ko`rish uchun ushbu ssilka orqali ko`rishingiz mumkin:
https://studio.youtube.com/video/W5bXRj8NUy8/edit
Bu Oʻzbekiston Respublikasi Vazirlar Mahkamasining 2020-yil 29-dekabrdagi «Avtotransport vositalarini yollash va ijaraga berish faoliyatini qoʻllab-quvvatlash, elektromobillar va mototransportlardan foydalanish, shuningdek, velosipedda mamlakat boʻylab harakatlanishni rivojlantirishga oid qoʻshimcha chora-tadbirlar toʻgʻrisida»gi qarori bilan belgilanmoqda (VMQ-812).
Shuningdek, turistik shaharlar, dam olish zonalari, qoʻriqxonalar va mamlakatimizning boshqa madaniy meros obyektlarini bogʻlovchi velosipedlar magistrallari milliy tarmogʻini bosqichma-bosqich barpo etish belgilangan. Bundan tashqari, Butunjahon velosiped kuni va Yevropa harakatlanish haftaligiga bagʻishlangan yirik velomarafonlar, velosipedda yoʻl bosib oʻtish va boshqa tadbirlarni tashkil etish koʻzda tutilgan.