ҲАМКОРЛИКДАГИ ТАРҒИБОТ ТАДБИРЛАРИ ДАВОМ ЭТМОҚДА

Сирдарё вилоят транспорт бошқармасининг Автомобилларда ташувлар хавфсизлигини таъминлаш бўлими инспекторлари ва Сирдарё вилоят ИИБ ЙҲХБ ходимлари билан биргаликда назорат тадбирлари ўтказилиши давом этмоқда.

Тадбирлар давомида ҳайдовчиларга йўл-ҳаракати қоидаларига қатъий риоя этиш, автотранспорт воситаларини техник соз ҳолатда бошқариш, лицензиясиз ташишлар билан шуғулланмаслик, йўловчилар қўпол муносабатда бўлмаслик, ҳаракат давомида мусиқани баландлатиб ҳаракатланмаслик ва санитария-гигиена қоидаларига қатъий амал қилиш бўйича тушунтириш ва кўрсатмалар берилди.

Ўзбекистон Республикаси Президентининг 07.05.2021 йилдаги  “Aвтомобиль транспортида йўловчилар ташиш фаолиятини тартибга солишни янада соддалаштириш чора-тадбирлари тўғрисида”ги 5108-сонли Қарорининг мазмун-моҳиятини барча шаҳар ва туманларда транспорт бошқармаси инспекторлари ҳайдовчиларга тушунтириш билан биргаликда керакли кўрсатма ҳам берди. 

Бундай тадбирлар доимий тарзда давом эттирилмоқда.

Сирдарё  вилояти транспорт бошқармаси матбуот хизмати