Фронт ортида меҳнат қилган онахоннинг ҳолидан хабар олинди

Аждодлар руҳига ҳурмат халқимизнинг энг олий фазилатларидан биридир. Ўзбек халқи ватани, халқининг фаровонлиги, тинчлиги йўлида жонини фидо этган фарзандларини ҳеч қачон унутган эмас. Ислом дини инсон наслини мукаррам санайди, Аллоҳнинг махлуқотлари ичидаги энг азизи ва эҳтиромга муносиби деб баҳолайди. Инсон азиз ва мукаррам экан, унинг ёши ҳам, қариси ҳам, аёли ҳам, эркаги ҳам баробар қадр-қимматга эгадир. Хотира ва қадрлаш тушунчаси чуқур маънога эгадир. Инсоният Иккинчи жаҳон урушида қатнашган, ўша аёвсиз жангу-жадалда қаҳрамонларча ҳалок бўлганлар хотирасини асло унутмайди.
9 май – “Хотира ва қадрлаш куни” мамлакатимизда умумхалқ байрами сифатида кенг нишонланади. Инсон хотира билан тирик, қадр билан улуғ. Ўтганларни, уларнинг хайрли ишларини, жасоратини ёдга олмоқ, эъзозламоқ халқимизга хос эзгу фазилатлардандир. Бинобарин, хотира бу – унутмаслик, деганидир.
Шу муносабат билан Сирдарё вилояти транспорт бошқармаси бошлиғи О. Эрбеков бошчилигида Сайҳунобод тумани Синтоб маҳалласида яшовчи фуқаро 1929 йилда туғилган Мирзаева Олча момо ҳолидан хабар олинди. Олча момо фронт ортида меҳнат қилиб, омон қайтган оналардан бири. Уларнинг жасорати, сабр-матонати биз ёшларга ўрнак болмоғи лозим.

Олча момога транспорт бошқармаси бошлиғи ва ҳомийлар томонидан кўча-кўйга чиқишлари учун махсус аравача такдим этилди.
Онахон билан анча суҳбат қурилди, ўтган давр эсга олинди.

Инсон, миллат, бутун халқ тарихий хотира билан тирик ва барҳаёт. Айниқса, ўтганларнинг хайрли ишларини ёдга олмоқ, қадрламоқ биз учун ҳам фарз, ҳам қарздир

Сирдарё вилояти транспорт бошқармаси матбуот хизмати