Электрон юк хати (е-CMR) тўғрисидаги Баённома Ўзбекистон учун кучга киради

2021 йил 14 январь куни Юкларни халқаро йўлларда ташиш шартномаси тўғрисидаги Конвенциянинг электрон юк хатига (е-CMR) оид 2008 йил 20 февралда Женева шаҳрида имзоланган Қўшимча баённомаси Ўзбекистон Республикаси учун кучга киради.

Ўзбекистон ушбу Баённомага Ўзбекистон Республикаси Президентининг 2020 йил 25 сентабрдаги ПҚ- 4842 - сонли қарорига мувофиқ қўшилган. Бу ҳақда Ташқи ишлар вазирлиги матбуот хизмати маълум қилди.

Мазкур ҳужжат электрон алоқа воситаси орқали ташиш шартномасини тузиш тартибини соддалаштириш ва тезлаштиришни, юк хатининг қоғоз шаклидаги нусхаси билан тенг юридик кучга эга бўлган электрон юк хатини жорий этишни назарда тутади. Шу билан бирга, Баённомада иштирок этиш қоғоз шаклидаги ҳужжатлардан фойдаланишни чекламаган ҳолда е-CMRдан фойдаланишга босқичма-босқич ўтишни таъминлайди.

e-CMRdan foydalanish multimodal tashuvlarda transport vositalarining o‘zaro harakatini yengillashtiradi, yuk xati bilan bog‘liq harakatlarni boshqarish unumdorligini oshiradi hamda transport operatorlari va yuk egalarining yuk xatlari va boshqa tegishli hujjatlarni chop etish, qayta ishlash va arxivlash xarajatlarini kamaytirishga yordam beradi.

O‘zbekiston Respublikasining Qo‘shimcha bayonnomada ishtirok etishi transport va tranzit amaliyotlarini soddalashtirish, zamonaviy logistika tizimlari doirasidagi ishtirokchilar o‘rtasida ma’lumotlar almashinuvi jarayonini tezlashtirish hamda vaqt va moliyaviy sarf-xarajatlarni kamaytirish orqali milliy tashuvchilar uchun yanada qulay sharoitlar yaratishga xizmat qiladi.