“Avtomobilsiz kun” jamoatchilik loyihasini amalga oshirish

O‘zbekiston Respublikasi Prezidenti tomonidan 2024-yilda uy-joy, qurilish, kommunal xo‘jaligi, transport va ekologiya sohalarida amalga oshirilishi lozim bo‘lgan ustuvor vazifalar yuzasidan 2024-yil 29-yanvarda o‘tkazilgan videoselektor yig‘ilishida belgilangan topshiriqlar ijrosini ta’minlash maqsadida Transport vaziri I.Maxkamovning joriy yil 13-fevraldagi “Avtomobilsiz kun” jamoatchilik loyihasini amalga oshirish to‘g‘risidagi 30-sonli buyrug‘i imzolandi. 

Bunga ko‘ra, 2024-yil 12-fevraldan boshlab haftaning har juma kuni “Avtomobilsiz kun” etib belgilab qo‘yildi.

Shuningdek, buyrug‘ida keltirilgan markaziy apparati, hududiy bo‘linmalar hamda idoraviy mansub tashkilotlar rahbar va xodimlarining haftaning har juma kuni ish joyiga jamoat transportida kelishi va ketishi amaliyoti joriy etilishi belgilab berilgan.

Ushbu topshiriq ijrosini ta’minlash maqsadida Sirdaryo viloyati transport boshqarmasi boshlig‘i Sh.Abdullaev boshchiligida boshqarmaning barcha xodimlari xaftaning har juma kuni ish joyiga jamoat transportida kelishi va ketishi amaliyoti joriy qilindi.

Bundan ko‘rinib turibdiki, birinchi navbatda tabiatga ekologik zararni kamaytirish hamda yo‘llarda tirbandliklarni oldi olish maqsadi ko‘zda tutilgan.

Sirdaryo viloyati transport boshqarmasi Axborot xizmati.