Автомобилда ҳаракатланишда тавсияларни унутманг!

Об-ҳаво кескин ўзгарди. Йўлларда автоаварияларни олдини олиш борасида ИИВ огоҳлантириш билан чиқди.

 Айрим ҳудудларда қор ёғиши ва ҳаво ҳароратининг кескин тушиб кетиши автомобиль йўлларида музламалар ҳосил бўлишига сабаб бўлмоқда. Қалин туман тушиши эса автомобиль йўлларида ҳаракат қатнашчилари учун бир қатор ноқулайликлар келтириб чиқармоқда.

Сирдарё вилояти Транспорт бошқармаси ҳайдовчилардан транспорт воситасини бошқариш пайтида, айниқса довон йўлларида ҳаракатланишда мураккаб об-ҳаво шароитини ҳисобга олишларини сўраган. Шунингдек, техник носоз транспорт воситаларидан фойдаланмаслик, зарурат бўлмаганда тунги вақтларда ҳаракатланмаслик, пиёдалар йўлни кесиб ўтишда ўта ҳушёр бўлишлари лозим.