САЙЁР СУД БЎЛИБ ЎТДИ

          Ўзбекистон Республикаси Транспорт вазирлиги Сирдарё вилояти транспорти бошқармаси  биносида сайёр суд бўлиб ўтди. “Очиқ мулоқот” тарзида ўтказилган сайёр қабулда Жиноят ишлари бўйича Гулистон шаҳар судининг раиси Улуғбек Джумаев фуқароларга Ўзбекистон Республикаси  МЖтК 271-модда 11-иловаси ( Маъмурий ҳуқуқбузарлик тўғрисидаги ишларни юритишни истисно этувчи ҳолатлар) ҳамда 2021йил 30-ноябрьдаги 734-сонли (Транспорт ва молия соҳаларидаги айрим ҳуқуқбузарликларни содир этганлик учун маъмурий жазолар либераллаштирилиши муносабати билан Ўзбекистон Республикасининг маъмурий жавобгарлик  тўғрисидаги кодексига ўзгартириш ва қўшимчалар киритиш ҳақида) Қонунининг мазмун моҳияти атрофлича тушунтирилди.

     Автомобил транспортида йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш фаолиятида   лицензия олиш талаблари ва шартлари, амал қилиш муддати, лицензия олиш учун зарур бўлган маълумотлар ва давлат божи тўлаш тартиби, ҳайдовчилик фаолияти билан ноқонуний шуғулланишнинг салбий оқибатлари ҳақида қонуний тушунтириш берилди.

  Яъни, ҳуқуқбузарликни биринчи марта содир этган мансабдор шахслар ёки фуқаролар ҳуқуқбузарлик аниқланган пайтдан эътиборан ўттиз кунлик муддатда ихтиёрий равишда бартараф этган ва етказилган моддий зарарнинг ўрни қопланган бўлса маъмурий иш ҳужжатлари тугатилиши айтиб ўтилди.

         Сирдарё вилояти Транспорт бошқармаси Ахборот хизмати