2020/2021 ўқув йили учун олий ўқув юртларига ўқишга кириш тест имтиҳонлари Гулистон шаҳрида 2-13 сентябрь кунлари бўлиб ўтади. Шу муносабат билан, Гулистон шаҳрининг 2 та катта очиқ майдон, стадионлари танланган.

Абитуриентлар ва уларнинг яқинлари тест ўтказиладиган ҳудудга келиб-кетишлари учун вилоят транспорт бошқармаси томонидан керакли чора-тадбирлар кўриляпти. Имтиҳон ўтказиладиган кунлари йўл кира нархи сунъий равишда оширилишининг олдини олиш мақсадида тест учун белгиланган майдонларгача қўшимча автобуслар кўйилади.

Автобуслар эрталаб соат 5.00 дан жойлар кесимига қараб ҳаракатланади. Ҳар бир автобус қайси йўналиш бўйича ҳаракатланиши ҳақида махсус йўл кўрсаткичига эга. Ушбу автобуслардан фақатгина абитуриентлар фойдаланиши мумкин. Автобусларга 25 нафардан ортиқ йўловчи ташиш таъқиқланади. Ота-оналар ёки бошқа ҳамроҳлар автобусларга чиқарилмайди.

Сирдарё вилояти транспорт бошқармаси матбуот хизмати