2020 йил 17 августдан бошлаб қуйидаги тартибда жамоат транспорти қатновига рухсат берилади:

 Ҳудудлар, Қорақалпоғистон Республикаси, вилоятлар ва Тошкент шаҳри ўртасида автотранспорт воситалари қатнови тикланади.

Жамоат транспорти, шаҳар (туман) ва шаҳар атрофи йўналишлари бўйича автобус қатнови йўлга қўйилади. Бунда қуйидаги тартибга риоя этилиши талаб этилади:

-ҳар қатновга чиқишдан олдин ҳайдовчи ва кондукторнинг тана ҳарорати пирометрларда ўлчаниб, 37⁰С ва ундан юқори бўлган ҳолатда уларнинг транспорт воситасини бошқаришига йўл қўймаслик, уларнинг  тиббий ниқоб ва қўлқопда бўлишини таъминлаш;    

-жамоат транспортида йўловчиларнинг тиббий ниқобда бўлишини ва улар орасида ижтимоий масофа сақланишини назорат қилиш, тиббий ниқобда бўлмаган йўловчиларни  транспортга чиқишига йўл қўймаслик;  

-транспорт воситаси доимий равишда ҳар қатновга чиқишдан олдин (шу жумладан, ҳар бир ўриндиқни) тўлиқ дезинфекциядан ўтказилишини таъминлаш чоралари кўрилиши шарт.

Йўналишсиз таксилар фаолиятига қуйидаги тартибда рухсат этилади:

-йўналишсиз таксиларда йўловчи ташиш учун автотранспорт воситаси салонида ҳайдовчи ўриндиғи йўловчилар ўриндиғидан шаффоф пластик ёки махсус плёнка билан тўсилган бўлиши;

-ҳайдовчи ва йўловчи тиббий ниқобда бўлиши (тиббий ниқобсиз йўловчини ташиш таъқиқланади);

-йўловчиларни автотранспорт воситаси салони орқа ўриндиғига ўтқазилиши ҳамда фақат  ўз (автотранспорт воситаси давлат рўйхатидан ўтказилган) ҳудудида ҳаракатланиши.

Сирдарё вилояти транспорт бошқармаси Матбуот хизмати