Qadring baland bo‘lsin ONA TILIM!

     O‘zbek tilining qonuniy muhofazasi 1989-yil “Davlat tili to‘g‘risida”gi Qonunning qabul qilinishi bilan bog‘liq. Shuning uchun ham  21-oktabr o‘zbek tiliga davlat tili maqomi berilgan kun sifatida respublikamizda keng nishonlanadi.

   Sirdaryo viloyati Transport boshqarmasida ham O‘zbek tili bayrami kuniga bag‘ishlangan ma’naviy-ma’rifiy tadbir bo‘lib o‘tdi.

Tadbirda transport boshqarmasi xodimlari va inspektorlari ishtirok etdi.

     Bayram tadbirida Guliston davlat universiteti filologiya fakulteti o‘qituvchisi Ma’ruf Qambarov, 4-bosqich talabalari Dildora Roziqova va Sevinch Narzullaevalar ona tilimizning jozibadorligi, o‘ziga xosligi, bugungi kundagi mavqeyi haqida o‘z fikr-mulohazalarini bildirib o‘tdi.

    “Qadring baland bo‘lsin ona tilim” mavzusida o‘tkazilgan davra suhbati davomida boshqarma  xodimlari  ham ona tilimizga bo‘lgan e’tiborni yanada oshirish uchun oilalarda  badiiy kitobxonlikni, she’riy kitoblarni o‘qishimiz va farzandlarimizga o‘zimiz o‘rnak bo‘lishimiz lozimligini ta’kidlab o‘tdi.

    Turkiy tillar oilasiga mansub bo‘lgan o‘zbek tili ham biz o‘zbeklarning eng qimmatli boyligimizdir. Tilimizning go‘zalligi, ma’no jilolari Navoiy davridayoq o‘z ifodasini topgan, bu tilda bir-biridan ajoyib asarlar bitilgan.

 “Ona tilimizning bir-birini takrorlamas jozibador so‘z gavharlariga boy badiiy adabiyotlarini kelajak avlodga yetkazishimiz, shu tilnining sofligini asramoq  hammmizning zimmamizdadir”- deya ta’kidladi Filolog o‘qituvchi M.Qambarov.

Sirdaryo viloyati transport boshqarmasi axborot xizmati