ЙЎЛОВЧИ ТАШИШ ҚОИДАЛАРИ

         Мамлакатимизда ҳайдовчиларнинг қонуний фаолият олиб бориши учун кўп имкониятлар яратилмоқда. Яъни, ҳайдовчи йўловчи хавфсизлиги учун жавобгар шахс саналади. Шундай экан, фуқароларнинг қонунда белгиланган талаблар асосида хизмат кўрсатиши фойдадан ҳоли бўлмайди, албатта.

  Сирдарё вилояти транспорт бошқармасида Жиноят ишлари бўйича Гулистон шаҳар судининг судяси М.Омонов  сайёр суд ўтказди. Йиғилишда рейдлар давомида лицензиясиз шуғулланаётган ҳайдовчилар иштирок этди. Расмийлаштирган 41 та маъмурий байённомалар кўриб чиқилди. 

   Сайёр суд давомида ҳуқуқбузарликни биринчи марта содир этган мансабдор шахслар ва фуқаролар ҳуқуқбузарлик аниқланган пайтдан эътиборан ўттиз кунлик муддатда ихтиёрий равишда бартараф этган ва етказилган моддий зарарнинг ўрни қопланган  17 нафар лицензия олган фуқароларнинг маъмурий иш ҳужжатлари тугатилди. 24 нафар ҳайдовчиларга нисбатан базавий ҳисоблаш миқдорида жарима белгиланди.

  Ўзбекистон Республикаси Президентининг  07.05.2021 йилдаги 5108-сонли “АВТОМОБИЛЬ ТРАНСПОРТИДА ЙЎЛОВЧИЛАР ТАШИШ ФАОЛИЯТИНИ ТАРТИБГА СОЛИШНИ ЯНАДА СОДДАЛАШТИРИШ ЧОРА-ТАДБИРЛАРИ ТЎҒРИСИДА”ги Қарор мазмун-моҳияти тушунтирилди.

   Автомобилда йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш учун лицензия талаб этилади.

     Лицензия олиш учун зарур бўлган маълумотлар, йўналишсиз таксиларнинг техник ҳолати ва асбоб-ускуналарнинг йўл ҳаракати хавфсизлигини таъминлашга доир норматив-ҳуқуқий ҳужжатлар талабларига, ташқи кўринишига ва анжомларига, ягона таниш белгилари билан жиҳозлашга қўйиладиган талаблар батафсил тушунтирилди. Шунигдек, лицензия олиш учун зарур бўлган маълумотлар, талаблари ва шартлари, давлат хизматлари кўрсатиш тартиби тўғрисида маълумот берилди.

  Эслатиб ўтамиз, лицензия бериш, лицензиянинг амал қилишини тўхтатиб туриш ёки тўхтатиш, уни бекор қилиш ва қайта расмийлаштириш Транспорт вазирлиги ва унинг ҳудудий бошқармалари томонидан амалга оширилади.

  Сирдарё вилояти транспорт бошқармаси ахборот хизмати