14 iyundan qo‘shimcha tezyurar “Sharq” poyezdining har kunlik qatnovi yo‘lga qo‘yiladi
08.06.2021 Yo‘lovchilarga transport xizmatlarini yanada ko‘paytirish hamda ularning uzog‘ini yaqin qilish maqsadida 2021 yil 14 iyundan Toshkent – Buxoro –Toshkent yo‘nalishida 12/11-sonli qo‘shimcha tezyurar “Sharq” poyezdlarining har kunlik qatnovi yo‘lga qo‘yiladi. Harakat jadvaliga ko‘ra, Toshkent – Buxoro yo‘nalishida muntazam qatnovini boshlaydigan 12-sonli qo‘shimcha tezyurar “Sharq” poyezdi 14 iyun kuni soat 18:50 da Toshkent markaziy temir yo‘l vokzalidan, Buxoro – Toshkent yo‘nalishida muntazam qatnovini boshlaydigan 11-sonli qo‘shimcha tezyurar “Sharq” poyezdi esa 15 iyun kuni soat 05:10 da Buxoro temir yo‘l vokzalidan harakatini amalga oshiradi.
Bugungi kunda Toshkent – Buxoro – Toshkent yo‘nalishida qatnovini amalga oshirayotgan 10/09-sonli tezyurar “Sharq” poyezdlarining harakat jadvali o‘zgarmaydi.
Izoh: Qo‘shimcha ma’lumotlarni Toshkent shahrida 1005 qisqa telefon raqami, joylardagi temir yo‘l kassalari hamda ma’lumotlar byurosidan bilib olishingiz mumkin.
“O‘ztemiryo‘lyo‘lovchi” AJ