Sirdaryoning shonli 60 yilligi

    Sirdaryo viloyati tashkil etilganining 60-yilligi munosabati bilan Viloyat transport boshqarmasida  “Sirdaryo tarixi” mavzusida tadbir bo‘lib o‘tdi.

      Tadbirda  Guliston davlat universiteti  “Qatag‘on qurbonlari” xotira muzeyi direktori, tarix fanlari nomzodi, dotsent O‘g‘loy Erbo‘tayeva ishtirok etdi.     

     Tadbir davomida Sirdaryo tarixiga oid ma’lumotlar, viloyatda mavjud muzeylar, madaniy meroslari haqida ma’ruza tinglandi. Xususan, mamlakatimizda Qatag‘on qurbonlari xotirasini abadiylashtirish, ularning hayoti va merosini chuqur o‘rganishga alohida e’tibor qaratilayotganligi ta’kidlandi.

  Vatanimiz mustaqilligi, xalqimizning erkin va ozod, kelajak avlodlarning tinch, to‘kin hayotini ta’minlash orzusida mardona kurash olib borib, qatag‘on qilingan ulug‘ ajdodlarimiz faoliyati va merosini targ‘ib qilish muhim vazifalardan biri ekani qayd etildi.

  Uchrashuv davomida olima O‘.Erbo‘tayeva viloyat transport boshqarmasi xodimlarini qiziqtirgan savollariga batafsil javob berdi.

Sirdaryo viloyati transport boshqarmasi axborot xizmati