Hududiy transport boshqarmalarida ishlarni tizimli tashkil etish va o‘rganish maqsadida O‘zbekiston Respublikasi Transport Vazirligi ishchi guruhi Sirdaryo viloyati transport boshqarmasida bo‘ldi.

    Ishchi guruh viloyat transport boshqarmasida mavjud muammolarni o‘rganib, bartaraf etish choralari bo‘yicha topshiriqlar berib o‘tdi.

    Shu maqsadda, O‘zbekiston Respublikasi Transport Vazirligi ishchi guruhi viloyat yo‘lovchi tashish avtokorxonalari rahbarlari bilan uchrashuv o‘tkazdi.

   Yig‘ilish davomida mas’ul vakillar tadbirkorlarni qiynab kelayotgan avtobus sotib olishdagi imtiyozli bank kreditlari bilan bog‘liq muammolar muhokama qilindi.

   Shuningdek,yig’ilishda viloyat transport boshqarmasi tomonidan O‘zbekiston Respublikasi Vazirlar Mahkamasining 630-son (“Hududlarda jamoat transporti faoliyatini yanada takomillashtirish chora-tadbirlari to‘g‘risidagi”) hamda 311-son (“Avtotransport vositalarini boshqarishda va yo‘nalishsiz taksi faoliyatini amalga oshirishda qo‘shimcha qulayliklar yaratish to‘g‘risida”)Qarori ijrosi yuzasidan amalga oshirilgan ishlar haqida ma’lumotlar taqdim etildi.

 Sirdaryo viloyati transport boshqarmasi axborot xizmati