1 январдан кундузи ҳам фараларни ёқиб юриш талаб этилади
16.12.2020 Ҳукуматнинг бу ҳақдаги қарори 2019 йил апрелида қабул қилиниб, эътирозлардан кейин ундаги талаб кучга кириши 2021 йил 1 январга сурилган эди.
2021 йилдан бошлаб, сутканинг ҳар қандай вақтида яқинни ёритувчи чироқлар ёки кундузги сигнал чироқларини ёқиб ҳаракатланмаган ҳайдовчилар жаримага тортилади.
МЖтКнинг 128-моддасига кўра, биринчи марта содир этилганда 111 500 сўм, бир йил ичида такрор содир этилса 223 минг сўм, 3-марта содир этилса 669 минг сўм жарима солинади. 1 йил ичида 3 мартадан кўп содир этилганда 892 минг сўм жарима ёки транспорт воситасини бошқариш ҳуқуқидан 6 ойга маҳрум этиш билан жазоланади.