Hech bir murojaat e’tiborsiz qoldirilmaydi!

   Guliston tumani aholisining O‘zbekiston Respublikasi Prezidentining xalq qabulxonalariga murojaatlarini qanoatlantirish maqsadida viloyat transport boshqarmasi va tashuvchilar birgalikda ish olib bordilar.

   Viloyatda faoliyat ko‘rsatib kelayotgan yo‘nalishlarda xizmat ko‘rsatib kelayotgan avtobuslarning harakat  jadvallari qayta ko‘rib chiqilib optimallashtirilishi natijasida, aholi punktlarini tuman markazi hamda viloyat markazi Guliston shahri bilan bog‘lovchi, uzoq vaqtlardan buyon faoliyati to‘xtab qolgan ShAY-224-sonli “Boyovut SIU - Guliston” shahar atrofi avtobus yo‘nalishida muntazam avtobuslar qatnovi qayta yo‘lga qo‘yildi.

    Mazkur yo‘nalish “Guliston Karvontrans Servis” MChJ tomonidan elektron platforma orqali tender o‘tkazilgunga biriktirib olindi va 3 dona “Isuzu” rusumli avtobuslar yo‘nalishga ishga chiqarildi.

   Ushbu yo‘nalishdagi avtobuslar Guliston tumanining “Boyovut”, “Soxil”, “Terakzor”, “Oltin vodiy”, “Furqat”, “Sohilobod”, “Ibrat”, “A.Navoiy”, “Mustaqillik”, “Soyibobod”, “Yulduz” MFYlari aholisiga bevosita xizmat ko‘rsatib, ushbu hududlarda xizmat ko‘rsatuvchi yo‘nalishli va yo‘nalishsiz taksilarda o‘rnatilgan yo‘lkira tariflaridan farqli o‘laroq arzon narxlarda faoliyat ko‘rsatilishiga erishilmoqda.

  Fuqarolarimiz hech qanday murojaat e’tiborsiz qoldirilmasligini o‘z hayotlarida his qilishlari kerak.

           Sirdaryo viloyati transport boshqarmasi matbuot xizmati