Yo'lovchi tashish qoidasiga amal qiling!

     Sirdaryoda joriy yilning 1-martiga qadar yo‘lovchi tashish qoidalarini buzish bilan bog‘liq 1252 ta qonun buzilishi aniqlangan.
   

      Jumladan, viloyat transport boshqarmasi va viloyat IIB YHXB tomonidan 2023-yil 1-yanvardan 1-mart kuniga qadar 216 ta qo‘shma reyd tadbiri o‘tkazildi. Ushbu reydlar davomida 1252 nafar fuqaroga nisbatan MJtKning 176³-moddasi (avtomobil transportida yo‘lovchilar tashish faoliyati bilan litsenziyasiz shug‘ullanish)ga asosan ma’muriy bayonnoma rasmiylashtirildi. 

  Bugungi kunga qadar fuqarolarning 604 nafari litsenziya varaqasini olib o‘z faoliyatini qonuniylashtirgan.63 nafar fuqarolarga nisbatan sud organlari tomonidan 88 mln. 200 ming so‘m miqdorida ma’muriy jarima jazosi tayinlangan.1014 nafar fuqarolarga nisbatan rasmiylashtirilgan bayonnomalar ma’muriy tartibda ko‘rib chiqilishi uchun tegishli sud organlariga yuborilgan.

   Eslatib o‘tamiz, bunday huquqbuzarlik sodir etgan fuqarolarga MJtKning 176³-moddasi (Avtomobil transportida yo‘lovchilar tashish faoliyati bilan litsenziyasiz shug‘ullanish) bazaviy hisoblash miqdorining yetti baravari miqdorida, mansabdor shaxslarga esa — o‘ttiz baravari miqdorida jarima solishga sabab bo‘ladi.

Sirdaryo viloyati transport boshqarmasi axborot xizmati