“Yutong Bus” kompaniyasi rasmiy vakillari bilan yangi avtobuslarni xarid qilish bo‘yicha uchrashuv

O‘zbekiston Respublikasi Prezidentining 2023-yil 16-fevraldagi “Jamoat transporti tizimini isloh qilish chora-tadbirlari to‘g‘risida”gi PQ-59-sonli qarorini sifatli va o‘z vaqtida ta‘minlash maqsadida, Sirdaryo viloyati transport boshqarmasi tomonidan “Yutong Bus” kompaniyasi rasmiy vakillari bilan birgalikda viloyatdagi tashabbuskor yo‘lovchi tashuvchi avtokorxonalar va turizm xizmatini ko‘rsatuvchi turoperatorlar bilan uchrashuv o‘tkazildi. Uchrashuv davomida “Yutong Bus” vakillari o‘z avtobuslarini ishtirokchilarga qulayliklarini, samaradorligini ko‘rsatuvchi taqdimot o‘tkazdi. Yig‘ilish qatnashchilari o‘zlarini qiziqtirgan savollariga javoblar olishdi. 

        Yig‘ilish yakunida “Yutong Bus” komponiyasi va avtokorxonalar o‘rtasida yangi avtobuslarni xarid qilish bo‘yicha shartnomalar imzolashga kelishib olindi.