“Янги Сирдарё” газетасининг 14 сонида “Қолган ишга “қор ёғади(ми?)” номли сарлавҳаси остида чиққан журналист суриштируви натижасида ёзилган мақолага Сирдарё вилояти транспорт бошқармаси расмий муносабат билдиради.

Янги Сирдарё газетасида Журналист Абдураззоқ Буриевнинг Сирдарё бекати 3448 км 9 ПКда жойлашган  узунлиги 95.25 метрлик йўловчилар ўтиш кўпригининг қурилиши ҳақида ёзган мақоласида билдирилган фикрларга изоҳ.

2020 йилда дунё миқёсида юз берган пандемия мамлакатимизда ҳам ўзининг таъсирини кўрсатди. Барчага маълумки, 2020 йил март ойидан бошлаб, республикамиздаги кўплаб ташкилотлар фаолияти тўхтатилди. Ўша пайтда мазкур кўприкда олиб борилаётган таъмирлаш ишлари ҳам ортга сурилди. Шунга қарамай бугунги кунгача ушбу кўприкда бир қатор таъмирлаш ишлари амалга оширилди. Жумладан;

Кўприкнинг асосий йўлагидаги эски асфальт йўлак бузиб ташланиб, йўлак тозаланди ва  полимер битум билан ишлов берилди ҳамда асосий йўлак устига бетон қуйилди.

Кўприкнинг шаҳар қисмидаги узунлиги 29.8 метрлик ва 23.89 метрлик 2 та зинапоя тўлиқ, бозор қисмга қараган узунлиги 26.37 метрлик 1 та зинапоянинг ярмигача яна битта зина поя тўлиқ демонтаж қилинди. Бундан ташқари, бекат худудига тушган узунлиги 29.8 метрлик зина поя ҳам тўлиқ демонтаж қилинди. Бундан ташқари кўприкни таъмирлаш жараёнида янги зина поялар учун котлованлар қазилиб, ер ишлари ҳамда зинапояларнинг опоралари учун бетонланиб стаканлар ўрнатилди ва изоляция ишлари бажарилди. Шаҳар қисмига тушган 3 та зинапоя опора ва косуарлари ҳамда лестничний маршлари тўлиқ янгиланди. Бозор қисмига тушган зинапоя стаканлари косуар ҳамда лестничний маршлари билан янгиланди.

Мазкур кўприкнинг 3 та зина поя ва асосий йўлаги тўлиқ темир панжара билан ўралди.Том ёпмалар учун фермалар монтаж қилинди.

Айни кунда ушбу кўприкда таъмирлаш ишларининг сўнги босқич ишлари амалга оширилмоқда.  Бу жараён ниҳоясига етказилиши билан кўприк фойдаланишга топширилади.

Сирдарё вилоят транспорт бошқармаси матбуот хизмати