“Yangi Oʻzbekiston — maktab ostonasidan boshlanadi”

Sirdaryo tumani Orzu mahallasi 22 sonli umumta'lim maktabida ham "So`ngi qo`ng`iroq" bayram tadbiri bo`lib o`tdi. Davlatimiz rahbari Oʻzbekiston tarixida birinchi marta maktab bitiruvchilariga tabrik yoʻllagani qalbimizni hayajonga toʻldirdi.
Soʻnggi yillarda yurtimizda taʼlim tizimiga qaratilayotgan doimiy eʼtibor barchamizni birdek ruhlantirdi. Prezidentimiz taʼkidlaganidek, “Qisqa muddatda taʼlim tizimida muhim oʻzgarishlar amalga oshirilgani, xususan, “Yangi Oʻzbekiston — maktab ostonasidan boshlanadi” degan shior asosida maktab taʼlimini rivojlantirish umumxalq harakatiga aylandi”. Bu esa oʻqituvchilar, ustoz-murabbiylarning mashaqqatli mehnatini munosib ragʻbatlantirish, ularning ish va turmush sharoitini yaxshilash, jamiyatdagi obroʻ-eʼtiborini oshirishga xizmat qilib, oʻquvchilar erishayotgan yutuqlarda oʻz ifodasini topmoqda.

Sirdaryo viloyati transport boshqarmasi avtomobil transporti bo`limi boshlig'i Sh. Abdullayev o`zi ta'lim olgan dargohida ilk bor Prezident tomonidan yo`llagan ilk tabrigini bitiruvchi o`quvchilarga o`qib eshittirdi. Shu bilan birgalikda,bitiruvchilarga baxt va yangi hayot ostonasida muvaffaqiyatlar tiladi.

Sirdaryo viloyati transport boshqarmasi matbuot xizmati