“ТИЛ-МИЛЛАТ КЎЗГУСИ”

 “Ҳар қандай миллатнинг дунёда борлигини кўрсатадурғон ойинаи ҳаёти тил ва адабиётидир. Миллий тилни йўқотмак, миллат руҳини йўқотмакдир”, деган эди улуғ мутафаккир Абдулла Авлоний.

Дарҳақиқат, тилнинг аҳамияти, унинг мавжудлиги ҳар қандай юрт, миллат тараққиётини белгилаб бериши шубҳасиз. Айниқса бугунги глобаллашув–дунё халқларининг турмуш-тарзи умумийлик касб этган бир даврда юқоридаги сўзларнинг залвори икки ҳисса ортади.

Сирдарё вилояти Транспорт бошқармаси масъул ходимлари томонидан ҳудуддаги шаҳар, вилоят ва туманларга қатновчи автобус ва микроавтобус ҳамда бошқа жамоат транспорт воситаларининг йўналиш кўрсаткичлари-трафаретларининг тайёрланишида ва автотранспорт воситаларида реклама эълонларини жойлаштиришда давлат тили меъёрларига риоя қилиниши юзасидан мутасадди ходимлар ва ҳайдовчилар ўртасида тарғибот ва тушунтириш ишлари олиб борилди.

Тил – миллат кўзгуси, маънавият сарчашмасидир. Шу боис она -тилимизни ҳурмат қилиш, унинг бой имкониятларини ўрганиш барчамизнинг асосий бурчимиз бўлиши лозим.