“Обод қишлоқ” ва “Обод маҳалла” дастури асосида Сидарё вилоятида таъмирталаб йўлларни таъмирлаш бўйича тўрт йиллик режа-дастур ишлаб чиқилди
09.06.2021 Сирдарё вилоятида автомобиль йўлларининг узунлиги 5 214 км бўлиб, шундан умумий фойдаланишдаги автомобиль йўллари 1 450 км ни ташкил этади.
Жумладан:
халқаро аҳамиятидаги автомобиль йўллари - 259 км;
давлат аҳамиятидаги автомобиль йўллари - 505 км;
маҳаллий аҳамиятидаги автомобиль йўллари - 686 км;
шунингдек ички хўжалик, шаҳарлар ва қишлоқ аҳоли пунктлари кўчалари 3 764 км майдонни эгаллайди.
2021 йил 1 январь ҳолатига 1 483,0 км ички хўжалик йўллари ва кўчалар таъмирталаб аҳволда.
Вилоятдаги мавжуд 319 та қишлоқлар, 236 та маҳалла фуқаролик йиғинлари, 12865 та кўчалардаги ички йўллар маҳаллама-маҳалла пиёда юриб чиқилиб, ҳақиқий ҳолат ўрганилди.
Ўрганиш натижаларига кўра вилоятдаги 1483,0 км таъмирталаб йўлларни таъмирлаш бўйича тўрт йиллик режа-дастур ишлаб чиқилди. Ушбу режа-дастурга мувофиқ 2021 йилда 503,6 км, 2022 йилда 325,5 км, 2023 йилда 335,6 км, 2024 йилда 318,3 км ички йўллар тўлиқ таъмирланади.
Вилоятда жорий йилда 503,6 км узунликдаги автомобиль йўлини таъмирлаш бўйича ажратилган маблағлардан самарали фойдаланиш ҳамда йўл ишларини сифатли амалга ошириш мақсадида маҳаллий арзон материаллардан фойдаланган ҳолда мустаҳкам конструкция турлари тасдиқланди.
Жумладан:
373,9 км тупроқ йўлларга шағал ётқизиш;
46,2 км йўлнинг юза қисмига ишлов бериш (турк тажрибаси);
25,3 км шағал йўлларни қора қопламали йўлга ўтказиш;
58,2 км йўлларга асфальтобетон қоплама ётқазиш ишлари келишилган график асосида олиб борилади.
Ислоҳотларни амалга оширишнинг маҳаллабай тизимини жорий қилиниши муносабати билан 2021 йилда йўлларни таъмирлаш дастурлари ушбу принципда шакллантирилди ҳамда Ўзбекистон Республикаси Президентининг 2021 йил 2 апрледаги ПҚ–5048-сон қарори билан тасдиқланган “Обод қишлоқ” ва “Обод маҳалла” дастурлари асосида вилоятда 22 та маҳалла фуқаролик йиғинлари, 421 та ички хўжалик кўчалар маҳаллама-маҳалла пиёда юрилиб, ҳолат ўрганилди.
Тасдиқланган дастурига асосан вилоятда жами 152,5 км. узунликдаги ички хўжалик йўлларини таъмирлаш учун 58,2 млрд.сўм маблағ ажратилиши белгиланган.
Шундан:
Асфальтобетон қопламали йўлларни таъмирлаш - 34,1 км,
Қум-шағал аралашмаси ётқизиш усулида таъмирлаш - 118,4 км.
Сифат назоратини ўрнатиш мақсадида Халқ депутатлари туман Кенгаши депутатлари, йўл назорат инспекцияси инспекторларидан иборат жамоатчилик назорати ташкил этилди. Бунда пудрат ташкилотлари томонидан объектни 5 йил давомида эксплуатация қилинишига ҳамда йўлнинг техник соз ҳолатда сақланишига тўлиқ жавоб бериши йўлга қўйилди.
Лойиҳа-смета ҳужжатлари тасдиқланган ички йўл объектлари бўйича
2021 йил 7 июн ҳолатига:
Вилоят бўйича жами 281,0 км узунликдаги ички хўжалик йўллари таъмирланди. Шундан:
49,5 км ички йўллар дастурлар асосида таъмирланди.
231,5 км ички йўллар дастурдан ташқари хашар йўли билан таъмирланди.
Бундан ташқари, жорий йилнинг январ-май ойлари давомида:
Сирдарё вилоятидаги 105 км умумий фойдаланишдаги автомобиль йўллари ва 2 та кўприк таъмирланди.
Вилоятда II чорак давомида қуйидаги ҳажмда ишлар амалга оширилади ва 222,6 км ички йўллар таъмирланади. Хусусан:
116,4 км ички йўллар шағал йўлга айлантирилади;
46,2 км йўлнинг юза қисмига ишлов бериш (турк тажрибаси);
25,3 км шағал йўллар қора қопламага ўтказилади;
34,7 км йўлларга асфальтбетон қоплама ётқазилади.
Шунингдек, 255 км умумий фойдаланишдаги автомобиль йўллари жорий таъмирланади.
Шунингдек табиий офат оқибатларини бартараф этиш дастурлари аососида 2020 йилдан ўтувчи 19 дона ва янгидан бошланувчи 2 дона жами 21 дона кўприкларда таъмирлаш ишлари амалга оширилмоқда.
Сирдарё вилояти транспорт бошқармаси матбуот хизмати