"Obod mahalla" dasturi bo`yicha amalga oshirilyotgan keng ko`lamli ishlar

Yo‘llar azaldan turli manzillar, olis davlatlarni tutashtirib, odamlarning uzog‘ini yaqin, og‘irini yengil qilgan. Shu bois, yo‘l va ko‘priklar qurish eng olijanob va savob ish hisoblangan.

Mamlakatimizda, ayniqsa, keyingi yillarda zamonaviy yo‘llar qurish, mavjudlarini rekonstruksiya qilish va jahon andozalari darajasiga keltirish borasida keng ko‘lamli ishlar amalga oshirilmoqda.

Sirdaryo viloyati avtomobil yo`llari bosh boshqarmasi tomonidan ham viloyatimiz hududidagi mavjud ta’mir talab yo’llarni qaytadan ta’mirlashyotgani, yo`l chekkasidagi daraxtlarni oqlashyotgani va yo`llar atrofini tozalashyotgani, kunni kun demasdan kunning issig`ida mehnat qilishyotgani taqsinga sazovardir.

“Obod qishloq" dasturi doirasida 2021 yilda qishloq punktlarda mintaqaviy yo``lar (ichki ko`chalar)ni ta’mirlash borasida Sirdaryo viloyati hududlar kesimida 22 mahallada jami 152,2 km maydonda bunyodkorlik ishlari amalga oshirish rejalashtirilgan va amaliy ishlar olib borilmoqda.

Hudud bo`yicha 3 ta shahar va 7 ta tumanning ichidan olingan 2 tadan mahallada shu bugunga qadar joriy ta’mirdan chiqqan jami 47,2 km uzunlikda ichki yo`llarga qum shag’alli aralashmasi yoyilib, asfaltbeton qoplama zichlangan qattiq asosga yotqizilishi uning sifatini yanada oshirmoqda.

Ichki avtomobil yo'llari, piyodalar yo'laklari, transport to'xtash bekatlari va boshqa yo'l infratuzilmasini qurish, rekonstruksiya qilish va ta'mirlash, yo'lbo'ylarini obodonlashtirish va ko'kalamzorlashtirish ishlari reja asosida amalga oshirilmoqda.

Yo‘lovchi va yuklarning katta qismi ichki avtomobil yo‘llari orqali qatnaydi. Shuning uchun ham, avtoyo‘llar yurtimizning ijtimoiy-iqtisodiy taraqqiyotida asosiy o‘rin egallaydi. Yo‘lsozlarning shijoati tufayli keng va ravon yo‘llar tarmog‘ini rivojlantirish hamda takomillashtirish muhim ahamiyat kasb etmoqda.

 

 

Sirdaryo viloyati transport boshqarmasi matbuot xizmati