ҚОНУНГА РИОЯ ҚИЛИНГ!!!
18.02.2022 Сирдарёда жорий йилда йўловчи ташиш қоидаларини бузиш билан боғлиқ 556 та ҳолат аниқланган. Жумладан, вилоят транспорт бошқармаси ва вилоят ИИБ ЙҲХБ томонидан 2022 йил 1 январдан 15 февралга қадар 102 та қўшма рейд тадбири ўтказилди. Ушбу рейдлар давомида 466 нафар фуқарога нисбатан МЖтКнинг 176³-моддаси (автомобиль транспортида йўловчилар ташиш фаолияти билан лицензиясиз шуғулланиш)га асосан маъмурий баённома расмийлаштирилди.
Бугунги кунга қадар фуқароларнинг 171 нафари лицензия варақасини олиб ўз фаолиятини қонунийлаштирган, 21 нафар фуқароларга нисбатан суд органлари томонидан 29 млн 700 минг сўм миқдорида маъмурий жарима жазоси тайинланган. 295 нафар фуқароларга нисбатан расмийлаштирилган баённомалар маъмурий тартибда кўриб чиқилиши учун тегишли суд органларига юборилган.
Бундай ҳуқуқбузарлик учун фуқароларга нисбатан БҲМнинг 7 баравар, мансабдор шахсларга эса — 30 баравари миқдорида жарима солишга сабаб бўлади.
Сирдарё вилояти транспорт бошқармаси матбуот хизмати